عارفانہ کلام نعتیہ کلام
مل جائے گا بھر بھر کے منگتوں کو یہاں اتنا
آقاﷺ کی محبت میں اخلاص ہو بس جتنا
دے سب کی طرف سے پھر نذرانہ عقیدت کا
جب عشقِ نبیﷺ میں تم طیبہ کا سفر کرنا
اے ربِّ جہاں! تم کو ہے پنجتنؑ کا صدقہ
ہر اُمتی کے دل کو اس در پہ جھکا رکھنا
آقاﷺ تجھے زہراؑ کی عظمت کی دُہائی ہے
اُمت کے سفینے کو ساحل پہ لگا رکھنا
بس دل میں بسا رکھنا ہے آلؑ کی اُلفت کو
گر اجرِ رسالتﷺ کو ہم نے ہے ادا کرنا
محشر میں شفاعت ہے، بس اس کے لیے حیدر
عادت ہو جسے ہر دم بس نعتِ نبیﷺ پڑھنا
جواد حیدر
No comments:
Post a Comment