یا خدا محو ثنا گبر و مسلماں ہیں ترے

 یا خدا! محوِ ثناء گبر و مسلماں ہیں تِرے

کون عالم میں ہے جس پر نہیں احساں ہیں ترے

جن و انسان و ملک بحر و بر و ارض و سماء

تُو وہ سلطان ہے کہ سب تابعِ فرمان ہیں ترے

صبح دم گلشنِ ایجاد میں مرغانِ چمن

ہیں چہکتے نہیں دراصل ثنا خواں ہیں ترے

پھنس گیا آ کے تباہی میں ہے بس اپنا جہاز

اپنی رحمت سے بچا لے سبھی قرباں ہیں ترے

کوئی ہندو ہو مسلماں ہو نصاریٰ کہ یہود

سب کے سب اپنی زبانوں میں ثنا خواں ہیں ترے

کشتئ گوہر خستہ کو بھنور سے تو نکال

اے خدا قلب و جگر میرے یہ قرباں ہیں ترے

گوہر جان/گوہر جان ہمدم/انجلینا ییوارڈ