عارفانہ کلام حمد نعت منقبت
شاہ دیں سلطانِ خوباں الصلوٰۃ والسلام
خلق پر خالق کے احساں الصلوٰۃ والسلام
اے علاجِ دردِ عصیاں الصلوٰۃ والسلام
راحتِ قلبِ پریشاں، الصلوٰۃ والسلام
باعثِ ایجادِ عالم آپؐ پر لاکھوں درود
قصۂ ہستی کے عنواں الصلوٰۃ والسلام
بے سہاروں کے سہارے بے نواؤں کے نوا
بے سر و ساماں کے ساماں الصلوٰۃ والسلام
عالمِ امکاں میں آقاﷺ آپﷺ وہ تخلیق ہیں
خود ہے خالق جس پہ نازاں الصلوٰۃ والسلام
رحمۃ اللعاملینﷺ، اے جانِ ایمان و یقیں
جانِ حسرت، جانِ ارماں الصلوٰۃ والسلام
کاش پھر اک بار حامد جا کے روضے پر کہے
شاہِ دیںﷺ، سلطانِ خوباں؛ الصلوٰۃ والسلام
حامد امروہوی
مرزا حامد حسین
No comments:
Post a Comment