عارفانہ کلام حمد نعت منقبت
مُعطّر مُعطّر فضائے محمدﷺ
ہے پُھولوں کہ خُوشبو ادائے محمدﷺ
وہ مکہ کی وادی وہ ایمان لانا
مؤثر تھی کتنی صدائے محمدﷺ
سُنا ہے کہ ہوتے ہیں سُلطاں سے اعلیٰ
بنا دے مجھے بھی گدائے محمدﷺ
بشر ہو تو ایسا بشر، اللہ، اللہ
نہ پایا زمانہ خطائے محمدﷺ
ابد سے ازل سے چلی آ رہی ہے
نہ ہو گی مُکمل ثنائے محمدﷺ
زمانہ تمہاری غُلامی کرے گا
اگر بن گئے تم گدائے محمدﷺ
بنی آخرت اس کی دُنیا بھی کاظم
جسے مِل گیا نقشِ پائے محمدﷺ
کاظم شیرازی
No comments:
Post a Comment