ٹہنی گیلی ہو تو جلنے میں خلل پڑتا ہے

 ٹہنی گیلی ہو تو جلنے میں خلل پڑتا ہے

اُس کو چُھو لو بھی تو وہ جسم کہاں کُھلتا ہے

کس طرح دل میں اُترنا ہے ریاضت کے بغیر

اُس حسیں شخص کو یہ کام بہت آتا ہے

ایسی حالت ہے تجھے خود سے جدا کرتے ہی دوست

آئینہ تک مجھے پہچان نہیں پاتا ہے

سب یہ کہتے ہیں کہ وہ ایسا نہیں کر سکتا

اور مِرا زخم ہمیشہ ہی ہرا رہتا ہے

کچھ دنوں میں وہ تعلق سے مُکر جائے گا

شہر والوں میں مِرے دوست یہ سب چلتا ہے

کفیل رانا