عارفانہ کلام نعتیہ کلام
نبیﷺ کی آنکھ میں رسوا نہیں میں
جہاں والو! گیا گزرا نہیں میں
مِرے چاروں طرف ہے انؐ کی رحمت
بہ فیضِ مصطفٰیﷺ تنہا نہیں میں
میں پیتا ہوں مئے عشقِ محمدﷺ
بہت سیراب ہوں، پیاسا نہیں میں
مِری نعتوں کو دیکھو اور بتاؤ
غلامانِ نبی ﷺ جیسا نہیں میں؟
بہ فیضِ ساقئ کوثرﷺ، زمانے
سمندر ہوں کوئی صحرا نہیں میں
نہ آئے مجھ کو دُوجا سانس زاہد
اگر حُبِ نبیﷺ رکھتا نہیں میں
زاہد شمسی
No comments:
Post a Comment