خواب اور محبت کی کوئی عمر نہیں ہوتی
موت اور زندگی میں محبت کا فاصلہ ہے
جسے ناپنے کے لیے ہم عمر کا پیمانہ استعمال کرتے ہیں
اور جینے کا ڈھونگ رچاتے ہیں
لیکن محبت کی کوئی عمر نہیں ہوتی
یہ تو ایک نامعلوم انت سے
دوسرے نامعلوم انت تک موجود ہے
ہم جہاں سے اسے دریافت کرتے ہیں
وہیں پر اپنی اپنی حد مقرر کر لیتے ہیں
اور اسے رشتوں اور ناموں میں تقسیم کر دیتے ہیں
نصیر احمد ناصر
No comments:
Post a Comment