مرے سرکار کے کوچے کا جو بندہ گدا ہو گا

 عارفانہ کلام حمد نعت منقبت

مرے سرکار کے کوچے کا جو بندہ گدا ہو گا

وہ وجہِ رشکِ شاہانِ زمانہ بن گیا ہو گا

ہمیں جو شافعِ روزِ جزا کا جو آسرا ہو گا

تو پھر کیا ڈر، سرِ محشر ہمارا حشر کیا ہو گا

جہاں کے سب وسائل اپنے بس میں آ گئے ہوں گے

درود پاک سرورﷺ بے بسی کو لے اڑا ہو گا

فرشتے مجھ کو ویسے تو سلامی کس لیے دیتے

مِرے لب پر نبیﷺ کا نام جاری ہو گیا ہو گا

مفاہیمَ دَنَا پا کر، فَتَرضٰی جس نے سمجھا ہے

حقیقت الفتِ محبوبﷺ و رب کی پا گیا ہو گا

ادب سے جاں نکالی میری عزرائیل نے جھک کر

کہیں پر میرا حرفِ نعت اس نے پڑھ لیا ہو گا

جہاں میرے قلم پر آیا ہو گا ذکر آقاﷺ کا

درودِ پاکﷺ تو میں نے لکھا، پڑھا ہو گا

میں جب پہلے پہل پہنچا رسولِ پاکؐ کے در پر

ذرا سوچو، اثر کیا روح پر میری ہوا ہو گا

عمل محمود کے جیسے بھی ہیں، امید واثق ہے

شفاعت آقا و مولاﷺ کی پا کر وہ رہا ہو گا

راجا رشید محمود