عارفانہ کلام حمد نعت منقبت
میرے نبیﷺ پیارے نبیؐ ہے مرتبہ بالا تیرا
جس جا کوئی پہنچا نہیںم پہنچا وہاں تلوا تیرا
خیرات دیتا ہے خدا ہر وقت تیرے نام کی
جس کو ملا جو کچھ ملا جتنا ملا صدقہ تیرا
یا مصطفیٰؐ، یا مجتبیٰؐ بھر دیجیئے کاسہ میرا
کر دو کرم رکھ لو بھرم سائل ہوں میں داتا تیرا
رحمت تھی پورے جوش پر میں بھی نہ تھا کچھ بے خبر
تجھ سے تجھی کو مانگ کر اچھا رہا منگتا تیرا
صدیقؓ کا فاروقؓ کا، صدقہ ملے عثمانؓ کا
مولا علیؓ کا واسطہ میں دیکھ لوں روضہ تیرا
اے باعثِ ارض و سما چشمِ کرم بر حالِ ما
دیکھے نیازی پھر شاہاﷺ وہ گنبد خضرا تیرا
عبدالستار نیازی
No comments:
Post a Comment