عارفانہ کلام حمد نعت منقبت
قربان آپ پر ہیں دل و جان یا نبیؐ
بس ہے یہ میرا دین یہ ایمان یا نبیؐ
جانِ نجات، صاحبِ قرآن یا نبیؐ
کردیں ہماری آخرت آسان، یا نبیؐ
اس دہرِ بے بساط کی چھوٹے ہر ایک شئے
چھوٹے مگر نہ آپ کا دامان یا نبیؐ
قبلہ بنایا کعبے کو، عالم کے واسطے
مکے کی ہے مدینے سے یہ شان یا نبیؐ
بے شک ہیں آپ خالق ہستی کے امر سے
تخلیق کائنات کا عنوان یا نبیؐ
اُمت کے غم کا اور نہیں ہے کوئی علاج
اک آپ ہی ہیں درد کا درمان یانبیؐ
دشوار کس قدر تھا مگر آپ سے ملا
رحمت کا اک وسیلہ آسان، یا نبیؐ
دائم خدا کے دین کی خوشبو ہے اس لئے
حسنینؑ گل ہیں، آپ ہیں گلدان یا نبیؐ
مانوس کا وصال ہو چوکھٹ پہ آپ کی
دل میں یہی ہے آخری اور مان، یا نبیؐ
پرویز مانوس
No comments:
Post a Comment