عارفانہ کلام حمد نعت منقبت
نائبِ ربُّ العُلیٰ سُلطانِ کعبہ زندہ باد
آپ ہیں ختمُ الرّسلؐ، جانِ مسیحا زندہ باد
قلبِ مُضطر کے لیے یہ باعثِ تسکین ہے
"زندہ باد اے آرزوئے باغ طیبہ، زندہ باد"
وجہِ تخلیق دو عالم، مالکِ کون و مکاں
مصطفیٰﷺ خیرالوریٰ شاہِ مدینہ زندہ باد
جِن کے صدقے میں دوعالم کو ملی ہے زِندگی
اُنؐ کے قدموں سے لگا ہر ایک ذرّہ زندہ باد
جب کہیں بھی تذکرہ کرنے لگا عبدالحلیم
کہہ اُٹھے مِل کر دِوانے، پیارے آقاؐ زندہ باد
عبدالحلیم گونڈوی
No comments:
Post a Comment