خلق حسن کے مظہر تشریف لا رہے ہیں

 عارفانہ کلام حمد نعت منقبت

خلقِ حُسن کے مظہر تشریف لا رہے ہیں

دونوں جہاں کے سرورؐ تشریف لا رہے ہیں

جن سے نہ کوئی بہتر، جن کا نہ کوئی ہمسر

بہتر سے جو ہیں بہتر، تشریف لا رہے ہیں

جن پر فدا ہیں میرے اہل و عیال و خواہر

مادر، پدر، برادر، تشریف لا رہے ہیں

دونوں جہاں کی دولت دستِ کرم میں لے کر

جُود و سخا کے پیکر تشریف لا رہے ہیں

کاشف نہ ہو ہراساں تُو قبر میں ذرا بھی

وہ دیکھ تیرے یاور تشریف لا رہے ہیں

کاشف بریلوی

عدنان علی