عارفانہ کلام حمد نعت منقبت
خدا کا حکم ہے اور حکم تا قیامت ہے
درِ رسولِ معظمﷺ درِ ہدایت ہے
حجاب سارے اٹھائے گئے شبِ معراج
حضورؐ آپ کی کتنی بڑی فضیلت ہے
نبیؐ کی آل کا سایہ، نبیِ کا دستِ کرم
زمین والوں پہ یہ آسمانِ رحمت ہے
علیؑ کے چاہنے والوں کی خیر چاہتا ہوں
درِ رسولﷺ سے میری یہی تو نسبت ہے
خدا، فرشتے اور ایمان والے شامل ہیں
درودﷺ بھیجنا کتنی بڑی عبادت ہے
کسی بھی زاویے سے سیرتِ نبیؐ دیکھیں
ہر ایک شعبے کو میرے نبیِ سے عزت ہے
محمد علی ایاز
No comments:
Post a Comment