عارفانہ کلام حمد نعت منقبت
ہر التجا قبول ہے حرف ثناء کے ساتھ
بس شرط ہے وسیلہ نبی کا دعا کے ساتھ
لازم ترین امر ہے ایمان کے لیے
ذکر رسول پاکﷺ ہو ذکر خدا کے ساتھ
صدقہ عطا ہو فاطمہؑ کا، جنت البقیع
اے قادر کل، قادر کل کی عطا کے ساتھ
جب سے یہ دل طواف خیال نبیﷺ ہے
پھرتا ہے روز و شب یہ مدینہ صبا کے ساتھ
لائے گا کچھ نہ کچھ تو خبر حاضری کی آج
دل سر کے بل گیا ہے وہاں التجا کے ساتھ
جینا مجھے ہے چشم کرم کی ردا کی اوٹ
مرنا ان کے عشق میں مجھ کو وفا کے ساتھ
قربان اے حبیبﷺ کہ امت کے درد میں
تم نے ستم اٹھائے ہیں صبر و رضا کے ساتھ
شیر افضل
No comments:
Post a Comment