لبوں پر میرے رہتی ہیں سدا قرآن کی باتیں

 عارفانہ کلام حمد نعت منقبت

لبوں پر میرے رہتی ہیں سدا قرآن کی باتیں

خدائے لم یزل کی ہیں عطا قرآن کی باتیں

قرارِ جاں ہیں یہ واللہ، یہی ہیں راحتِ قلبی

مریضِ دل کی ہے خاطر ہے دوا قرآن کی باتیں 

عطا کرتی ہیں یہ مُردہ دلوں کو زندگی پھر سے

سدا کرتی ہیں در اِک وا نیا قرآن کی باتیں 

مِلا قرآنِ ناطق کا پتہ قرآنِ صامِت سے

کہ  دیتی ہیں مِرے دل کو ضیا قرآن کی باتیں

کبھی ہو اِنَّمَا لب پر، کبھی تطہیر سی آیت

مجھے واعظ مسلسل تُو سُنا قرآن کی باتیں 

ہیں یہ معجز نُما اَیسی کہ جتنی گفتگو کر لو 

مزہ ہر بار دیتی ہیں جُدا قرآن کی باتیں

یہ ذکرِ آلِؑ احمدﷺ زندگی بھر کی کمائی ہے

وظیفہ رات دن ہے بس مِرا قرآن کی باتیں 

دعا دلشاد کی ہے  معرفت کی حق ملے مجھ کو 

کروں میں زندگی بھر یا خُدا قرآن کی باتیں

شگفتہ دلشاد