شہداء و غازیانِ پاکستان کو خراجِ تحسین
دیکھنا اہلِ وطن! ساعتِ جہد آ پہنچی
دیکھنا اہلِ وطن! ساعت جہد آ پہنچی
اب کوئی نقش بہ دیوار نہ ہونے پائے
اب کے کھُل جائیں خزانے نفسِ سوزاں کے
اب کے محرومئ اظہار نہ ہونے پائے
جو بھی غدّار نظر آئے صفوں میں اپنی
غیر کے ہاتھ کی تلوار نہ ہونے پائے
یوں تو ہے جوہرِ گُفتار بڑا وصف مگر
صرف گُفتار ہی گُفتار نہ ہونے پائے
دشت میں خُونِ حسینؑ ابن علیؑ بہہ جائے
بیعتِ حاکمِ کُفار نہ ہونے پائے
یہ نئی نسل اس انداز سے نکلے سرِ رزم
کہ مُؤرخ کی گُنہ گار نہ ہونے پائے
مصطفیٰ زیدی
No comments:
Post a Comment