عارفانہ کلام حمد نعت منقبت
الله اللہ کیسی ہے عظمت رسول اللهﷺ کی
عرش سے تا فرش ہے مدحت رسول اللہ کی
موسموں کی شوخیاں سب دلکشی اپنی جگہ
حسن کا معیار ہے صورت رسول اللہﷺ کی
کہکشائیں خوبصورت ان کے قدموں کے طفیل
نکہتِ ہفت آسماں رفعت رسول اللہﷺ کی
جاوداں ہیں سیرت و کردار کے سچے نقوش
حشر تک ہے ضو فشاں سنت رسول اللہ کی
فاصلوں میں بے قراری اور فسادِ ذہن و دل
یعنی داروۓ شفا قربت رسول اللہﷺ کی
مغربی تہذیب سے ہے استفادہ صبح و شام
اور یہ دعوٰی کہ ہے چاہت رسول اللہ کی
نعت گوٸی کی مجھے توفیق دے میرے خدا
فکر کا محور بنے مدحت رسول اللہﷺ کی
زندگی کی ظلمتوں میں کام آئے گی انیس
دل میں روشن کیجیے الفت رسول اللہ کی
عبدالخالق انیس بھٹکلی
No comments:
Post a Comment