عارفانہ کلام حمد نعت منقبت
کشتیٔ دل کے ناخدا صل علیٰ محمدﷺ
نوح نبی کے پیشوا صل علیٰ محمدﷺ
ماہ وشوں کے مہ لقا اہل دلوں کے دلربا
روحی فداکِ مرحبا صل علیٰ محمدﷺ
احمد احد کے راز کا میم ہی پردہ دار تھا
آپ میں آپ تھا چھپا صل علیٰ محمدﷺ
خود ہی بلایا خود ہی گیا بن کے کلیم طور پر
خود ہی غش آیا بول اٹھا صل علیٰ محمدﷺ
کرتی ہیں شور بلبلیں نغمہ سرا ہیں قمریاں
دھوم پڑی ہے جابجا صل علیٰ محمدﷺ
بیدم خستہ تن نے آج دیکھا چمن میں ماجرا
برگ کو گلنے دی صدا صل علیٰ محمدﷺ
بیدم شاہ وارثی
No comments:
Post a Comment