صحت اچھی نہ ہو تو زلف نسوانی سے بچنا

 صحت اچھی نہ ہو تو زلفِ نسوانی سے بچنا

فشارِ خوں کے حملے میں نمکدانی سے بچنا

نہ ہو انکم تو بچوں کی فراوانی سے بچنا

غریبی میں فروغِ نسلِ انسانی سے بچنا

بہت مشکل ہے بیگم کی نگہبانی سے بچنا

سمندر میں بھی رہنا اور طغیانی سے بچنا

خدا کے گھر میں ویزا کارڈ کا سسٹم نہیں ہے

کریڈٹ کارڈ کے بکرے کی قربانی سے بچنا

تمہیں اے خالد عرفان! میرا مشورہ ہے

غزل کہنا مگر ہر جا غزلخوانی سے بچنا

خالد عرفان