عارفانہ کلام نعتیہ کلام
مغموم نہ ہو حرف کو پابندِ ثناﷺ کر
سرکارؐ نوازیں گے مدینے میں بُلا کر
اے قریۂ محبوبؐ سے آئی ہوئی خوشبو
آ کوچۂ احساس میں، سانسوں میں رہا کر
اے مالکِ کُل! میری تمنا کا بھرم رکھ
لایا ہوں دعاؤں کو بھی نعتوں میں سجا کر
آتا ہے انہیں کاسۂ احساس کو بھرنا
بہتر ہے تُو خواہش کو پسِ حرف رکھا کر
مقصود! مدینے کی عطاؤں کے تصدق
رکھتی ہے ثنا مجھ کو مدینے کا بنا کر
مقصود علی
No comments:
Post a Comment