عارفانہ کلام منقبت سلام
پہلے پہل عجب لگی ہجرت حسینؑ کی
پھر مجھ کو یاد آ گئی نسبت حسینؑ کی
تھا اِذن بھی، چراغ بھی گُل کر دیئے گئے
چھوڑی نہیں کسی نے رفاقت حسینؑ کی
کردار شرطِ خاص ہے انکار کے لیے
اس کی کھری مثال ہے سیرت حسینؑ کی
کربل کی سُرخ ریت پہ سجدہ ادا کیا
بے مثل ہو گئی ہے عبادت حسینؑ کی
آنکھیں تو ہیں نگاہِ بصیرت کوئی نہیں
کُھلتی کسی پہ خاک حقیقت حسینؑ کی
ہر اک لہو کی بوند پہ لکھا ہے ان کا نام
روشن ہے میرے دل میں محبت حسینؑ کی
کیسے کسی یزید کی بیعت کروں سعید
میں کر چکا قبول امامت حسینؑ کی
سعید راجہ
No comments:
Post a Comment