تمہارے جیسے محبت پہ بات کرتے ہیں
لو کیسے کیسے محبت پہ بات کرتے ہیں
یہ جن کو بات بھی کرنے کا ڈھب نہیں آتا
یہ ایسے ویسے محبت پہ بات کرتے ہیں
کہیں جو ذکر کوئی چھیڑ دے محبت کا
تو جیسے تیسے محبت پہ بات کرتے ہیں
انہیں کسی سے محبت نہیں، قسم لے لو
یہ سارے ویسے محبت پہ بات کرتے ہیں
کہ جیسے لیتے ہو نامِ خدا عقیدت سے
ہاں ایسے ایسے محبت پہ بات کرتے ہیں
ہمارے لفظوں کو غُربت نے کھا لیا ناہید
سو اس کے پیسے محبت پہ بات کرتے ہیں
ناہید اختر بلوچ
No comments:
Post a Comment