عارفانہ کلام نعتیہ کلام
سدرہ پہ جا کے بلبلِ سدرہ ٹہر گئے
میرے نبیِ تو اس کے بھی آگے گزر گئے
محشر میں گونجے گی یہی ہر سمت سے صدا
آقاؐ کدھر گئے؟؟ میرے آقاؐ کدھر گئے؟؟
نامِ نبیﷺ پہ آیا نہ مرنا جنہیں جناب
وہ لوگ اس زمانے میں بے موت مر گئے
بُو جہل بدنصیب تھا، تن کر کھڑا رہا
لیکن نبیؐ کے قدموں پہ بچھنے عمرؓ گئے
دینِ نبیؐ کی شان بچانے کے واسطے
شبیرؑ اپنی جان کو قربان کر گئے
بھر بھر گئے ہیں برکتِ نو سے وہ راستے
جن راستوں سے اکبرؑ و اصغرؑ گزر گئے
آلِ نبیﷺ کی پیاس پہ روتے ہی مرحبا
کاسے ہمارے کوثر و زمزم سے بھر گئے
زاہد نبیﷺ کی شانِ رسالت کو دیکھ کر
کفّار و مشرکین کے چہرے اتر گئے
زاہد رضا بنارسی
No comments:
Post a Comment