عارفانہ کلام منقبت سلام ہدیۂ تبریک ام المؤمنین خدیجۃ الکبریٰؑ
نازشِ اُم القُریٰ ہیں حضرتِ اُم بتولؑ
راحتِ شاہِ ہُدیٰؐ ہیں حضرتِ اُم بتول
ہیں جو اول زوجۂ سرکارؐ، اول مومنہ
وہ نگارِ اِعتلا ہیں حضرتِ اُمِّ بتول
اُم شہزادئ جنت، مُبتدائے اہلِ بیتؑ
فخرِ شاہِ ھَل اَتیٰ ہیں حضرتِ اُم بتول
اُلفت و قربِ شہِ کونینؐ کے اعزاز میں
رشکِ حضرت عائشہؓ ہیں حضرتِ اُم بتول
جو کٹھن حالات میں بھی باعثِ تسکین ہیں
وہ نسیمِ جانفزا ہیں حضرتِ اُم بتول
اے شبستانِ شہِ بطحاؐ کی شمعِ اولیں
مرتبے تیرے جُدا ہیں حضرتِ اُم بتول
جن کی آمد سے ابوطالب بہت شاداں ہیں، وہ
نو عروسِ مصطفٰےؐ ہیں حضرتِ اُم بتول
شانِ زوجیت ہے جن کی بے نظیر و بے مثال
شاہﷺ کی وہ مہ لقا ہیں حضرتِ اُم بتول
حاملِ "اَلسَّابِقُونَ الاَوَّلُوں" ہیں مرحبا
حق شناس و حق نما ہیں حضرتِ اُم بتول
دورِ مَکی میں شہِ کونینﷺ کی خاطر ندیم
طاقِ نصرت کی ضیا ہیں حضرتِ اُم بتول
ندیم اختر
No comments:
Post a Comment