عارفانہ کلام حمد نعت منقبت
نورِ حق سے جوڑ رشتہ زندگی اے زندگی
خود چمک اور مجھ کو چمکا زندگی اے زندگی
الفتِ احمدﷺ میں مٹ جا زندگی اے زندگی
اپنے مرکز کی طرف آ زندگی اے زندگی
آستانِ مصطفیٰﷺ ہم پاکے سب کچھ پا گئے
بس اسی منزل پہ کھو جا زندگی اے زندگی
جلوہ گاہِ سرورِ عالمﷺ کا عالم دیکھ کر
اپنا عالم آپ ہو جا زندگی اے زندگی
دیدۂ جبریلؑ کا سُرمہ ہے جن کے در کی خاک
اُن کے در کی خاک ہو جا زندگی اے زندگی
سعید اعجاز کامٹوی
No comments:
Post a Comment