چین مدنی قرار مدنی ہے

 عارفانہ کلام حمد نعت منقبت

چین مدنی قرار مدنیﷺ ہے

باغِ جاں کی بہار مدنی ہے

کیا عجب سلطنت ہے دل میرا

کیا عجب شہریار مدنی ہے

تابِ انکار منکروں کو نہیں

اس قدر آشکار مدنیﷺ ہے

شاہزادہ ہے شاہِ سمناں کا

بے بدل تاجدار مدنی ہے

سیدِ با صفا کی نسبت سے

اشرفی یادگار مدنی ہے

گل سے نازک کہیں مزاج اس کا

اور کہیں ذوالفقار مدنی ہے

عقلِ ناقص سمجھ نہیں سکتی

علم کا شہ سوار مدنی ہے

قادری بھی ہے اور چشتی بھی

عشق کا راز دار مدنی ہے

غم نہیں ہے کوئی مجھے فاضل

جب مِرا غمگسار مدنی ہے

فاضل میسوری