لوٹ آؤ مرے پردیسی بہار آئی ہے

 فلمی گیت

تم تو کہتے تھے بہار آئی تو لوٹ آؤں گا

لوٹ آؤ مرے پردیسی، بہار آئی ہے

لوٹ آؤ، لوٹ آؤ ۔۔۔۔

تیری یادوں نے مرے خوابوں کو مہکایا ہے

میرا ہر خواب ترا مہکایا ہوا سایا ہے

ہر تمنا مری سمٹی ہوئی انگڑائی ہے

لوٹ آؤ مرے پردیسی، بہار آئی ہے

لوٹ آؤ، لوٹ آؤ ۔۔۔۔

کبھی تنہائی میں جب تیرا خیال آتا ہے

آپ ہی آپ یہ دل میرا دھڑک جاتا ہے

آپ ہی آپ کبھی آنکھ بھی شرمائی ہے

لوٹ آؤ مرے پردیسی، بہار آئی ہے

لوٹ آؤ، لوٹ آؤ ۔۔۔۔

ہجر کے درد بھرے لمحے گزاروں کیسے

روٹھنے والے بتا تجھ کو پکاروں کیسے

تو نے کیوں مجھ سے نہ ملنے کی قسم کھائی ہے

لوٹ آؤ مرے پردیسی، بہار آئی ہے

لوٹ آؤ، لوٹ آؤ ۔۔۔۔

جس جگہ دل مرا دھڑکا تھا تری قربت میں 

میں وہاں اشک بہاتی ہوں تری فرقت میں

میری رسوائی ترے پیار کی رسوائی ہے

لوٹ آؤ مرے پردیسی، بہار آئی ہے

لوٹ آؤ، لوٹ آؤ ۔۔۔۔

آرزو اجڑی ہوئی مانگ کسی دلہن کی

جستجو سوکھی ہوئی بدلی کوئی ساون کی

زندگی درد میں ڈوبی ہوئی شہنائی ہے

لوٹ آؤ مرے پردیسی، بہار آئی ہے

لوٹ آؤ، لوٹ آؤ ۔۔۔۔

احمد راہی