عارفانہ کلام حمد نعت منقبت
خالق نے بنایا ہے نگہبانِ محمدﷺ
گویا ابو طالبؑ ہوئے جزدانِ محمدﷺ
اسلام کے ظاہر سے بھی پہلے تھے مسلماں
ایسا ہے کوئی اور مسلمانِ محمدﷺ
رتبہ ابو طالبؑ کا وہ سمجھے گا بھلا کیا
جو شخص کہ رکھتا نہیں عرفانِ محمدﷺ
زیبا تھا اسی نطق سے جاری ہو وہ خطبہ
دکھلائی گئی شان ہے شایانِ محمدﷺ
وہ کفر کے فتوے بھی لگاتے ہی رہیں گے
اجداد ہوئے جن کے گریزانِ محمدﷺ
دہلیز ہے عمرانؑ کی وہ مرکزِ عشّاق
جس جا پہ جھکے جاتے ہیں رضوانِ محمدﷺ
رخشندہ ترے قلب پہ اترا یہ صحیفہ
الفت ابو طالبؑ کی بعنوانِ محمدﷺ
رخشندہ بتول
No comments:
Post a Comment