عارفانہ کلام حمد نعت منقبت
دائمی کامل شریعت ہے شہہِ ابرار کی
آخری یعنی نبوت ہے شہہِ ابرار کی
ان کے احسانات کی انسانیت مقروض ہے
نعمتِ کبریٰ ولادت ہے شہہِ ابرار کی
سیرتِ سرکارﷺ ہے تفسیرِ قرآں مستند
اور قرآں پاک، سیرت ہے شہہِ ابرار کی
بن گئیں ظلم و تشدد کا نشانہ ہر جگہ
بیٹیوں کو پھر ضرورت ہے شہہِ ابرار کی
کفر کے اور شرک کے سارے اندھیرے مٹ گئے
نور کا اتمام بعثت ہے شہہ ابرار کی
انس نبیل
No comments:
Post a Comment