اس کی قربت ہی اگر راس نہ آتی مجھ کو

اس کی قربت ہی اگر راس نہ آتی مجھ کو

پھر وہ ضد کرتی کہیں ہاتھ لگاتی مجھ کو

اچھا چھوڑو مجھے کچھ یاد نہ تھا اس کے سوا

اس کو سب یاد تھا وہ یاد دلاتی مجھ کو

وہ تو میں ہوں کہ مجھے رونے کی عادت کم ہے

ورنہ دنیا تو ابھی اور رلاتی مجھ کو

میری چاہت میں کہیں کچھ تو کمی تھی ورنہ

اتنی آسانی سے وہ کیسے بھلاتی مجھ کو

اس کو میں بھی اگر آسانی سے ہو جاتا نصیب

پھر جہاں جاتی وہیں خوب لٹاتی مجھ کو

مختار انصاری