عارفانہ کلام نعتیہ کلام
پئے جامِ ادراک تشنہ لبی ہے
جبیں پر محمدﷺ بہ نقشِ جلی ہے
مِرا چہرہ کیونکر نہ سُنت سے چمکے
مِرے دل میں پیوستہ عشقِ نبیﷺ ہے
قدومِ نبوّتﷺ کو سر پر سجانا
خدا کی قسم! خوش نصیبی یہی ہے
جمالِ نبوتﷺ کی رعنائیاں ہیں
”وہ جن کے لیے کُل خدائی بنی ہے“
حضورﷺ! التفاتِ کرم بہرِ رحمت
لبِ مدّعا سر بسر تشنگی ہے
تَرحَّم عَلَینَا بِنَعمَآءِ ربّی
یہاں جبکہ ہر سمت تِیرہ شبی ہے
دیانت میں یکتا، وفائی طبیعت
کہ دائم یہی شانِ پیغمبری ہے
غلام مصطفیٰ دائم
No comments:
Post a Comment