عارفانہ کلام نعتیہ کلام
کہیں جس کو دوائے دردِ ہِجراں یا رسول اللہؐ
دِکھانا مجھ کو بھی وہ رُوئے تاباں یا رسول اللہ
کرم یا رحمت للعالمین یا شافعِ محشرﷺ
کہ ہے خالی عمل میرا داماں یا رسول اللہ
سنا ہے آپ ہر عاشق کے گھر تشرِیف لاتے ہیں
مِرے گھر میں بھی ہو جائے چراغاں یا رسول اللہ
کبھی تو رحم آ جائے مِری آشفتہ حالی پر
کبھی تو ہو گزر سُوئے غرِیباں یا رسول اللہ
دِکھاتا پھر رہا ہوں کب سے ان سینے کے داغوں کو
سِلے گا کب مِرا چاکِ گریباں یا رسول اللہ
تمہارا ذکر کرتا جاؤں گا میدانِ محشر میں
یہی تو ہے مِری بخشش کا ساماں یا رسول اللہ
کِیا ہے نام لیواؤں میں شامل اپنے اعظم کو
نہ بھولوں گا قیامت تک یہ احساں یا رسول الل
اعظم چشتی
No comments:
Post a Comment