ہر دم درود سرور عالم کہا کروں

 عارفانہ کلام حمد نعت منقبت

ہر دم درود سرورؐ عالم کہا کروں

ہر لمحہ محوِ رُوئے مکرمؐ رہا کروں

اسم رسولﷺ ہو گا، مداوائے دردِ دل

صلِ علیٰؐ سے دل کے دُکھوں کی دوا کروں

ہر سطر اس کی اسوۂ ہادیﷺ کی ہو گواہ

اس طرح حالِ احمدﷺ مُرسل کہا کروں

معمور اس کو کر کے معرا سطور سے

ہر کلمہ اس کا دل کے لہو سے لکھا کروں

گو مرحلہ گراں ہے، مگر ہو رہے گا طے

اسمِ رسولﷺ سے ہی درِ دل کو وا کروں

ہر دم رواں ہو دل سے درودوں کا سلسلہ

طے اس طرح سے راہ کا ہر مرحلا کروں

دے دوں اگر رسولِ مکرمﷺ کا واسطہ

دل کی ہر اک مُراد ملے، گر دعا کروں

اس کے علاوہ سارے سہاروں سے ٹوٹ کر

اللہ کے کرم کے سہارے رہا کروں

ہو کر رہے گا سہل، ہر اک مرحلہ کڑا

اللہ کے کرم کا اگر آسرا کروں

اردو کو اک رسالۂ الہام دوں ولی

لوگوں کو دورِ ہادئ عالمؐ عطا کروں

محمد ولی رازی

ولی رازی صاحب کی قادرالکلامی دیکھیں کہ اس نعت پاک میں ایک بھی نکتیہ نہیں پایا گیا۔