عارفانہ کلام حمد نعت منقبت
ابجدِ پارۂ نور جن کی گواہ
تابشِ بقعۂ نور جن کی گواہ
ہو گئی آیۂ نور جن کی گواہ
یعنی ہے سورۂ نور جن کی گواہ
ان کی پُر نور صورت پہ لاکھوں سلام
طاہرہ عاصمہ ہیں جو بے اشتباہ
جن کی نورانی سیرت ہے صد رشکِ ماہ
جن کی پاکی بیاں کر رہا ہے الہ
یعنی ہے سورۂ نور جن کی گواہ
ان کی پُرنور صورت پہ لاکھوں سلام
جن کی عظمت کے آگے سبھی سر جھکائیں
جن میں سرکارِ کونینﷺ آرام پائیں
بِن بلائے جہاں پر ملائک نہ آئیں
جن میں روح القُدس بے اجازت نہ جائیں
ان سُرادق کی عصمت پہ لاکھوں سلام
نواز اعظمی
No comments:
Post a Comment