عارفانہ کلام نعتیہ کلام
تُو ﷺشمعِ رسالت ہے عالم تیرا پروانہ
تُوﷺ ماہِ نبوت ہے اے جلوۂ جاناناں
جو ساقئ کوثر کے چہرے سے نقاب اٹھے
ہر دل بنے مے خانہ، ہر آنکھ ہو پیمانہ
سنگِ درِ جاناں پر کرتا ہوں جبیں سائی
سجدہ نہ سمجھ نجدی سر دیتا ہوں نذرانہ
دل اپنا چمک اٹھے ایمان کی طلعت سے
کر آنکھیں بھی نورانی اے جلوۂ جاناناں
گر پڑ کے یہاں پہنچا مر مر کے اسے پایا
چھوٹے نہ الٰہی!! اب سنگِ درِ جاناں
سرکارؐ کے جلووں سے روشن ہے دل نوری
تا حشر رہے روشن نوری کا یہ کاشانہ
نوری بریلوی
مصطفیٰ رضا
No comments:
Post a Comment