Sunday, 9 October 2022

یا محمد ہے سارا جہاں آپ کا

 عارفانہ کلام نعتیہ کلام


یا محمدﷺ ہے سارا جہاں آپﷺ کا

یہ زمیں آپﷺ کی آسماں آپﷺ کا

رحمتِ عالمیں آپﷺ کی ذات ہے

سب یہ لطف کرم ہے عیاں آپﷺ کا

آپﷺ کا ذکر کرتی ہے ہر دم زباں

قلب کرتا ہے ہر دم بیاں آپﷺ کا

عاصیوں کے لیے جُز ندامت ہے کیا

آسرا ہے شفیع زماں آپﷺ کا

اس کو رہتی ہے ہر دم مدینے کی دُھن

یہ جو بہزاد ہے نعت خواں آپﷺ کا


بہزاد لکھنوی

تمام احباب کو جشنِ مولود نبیﷺ مبارک ہو۔

No comments:

Post a Comment