وقت پر خود ہی جان جائیں گے
پہلے ہلچل نہیں مچائیں گے
ہوش میں آیا جب عدو تو اسے
ڈھال کے فائدے بتائیں گے
ہمیں تیراک مان لو، ورنہ
تھوڑے پانی میں ڈوب جائیں گے
غیر حاضر رہو وگرنہ تمھیں
امتحاں میں نہیں بٹھائیں گے
بلب ایجاد کرنے والے بھی
طاقچوں میں دیے جلائیں گے
تو خلا اس کا پر کرے نہ کرے
دل میں تیری جگہ بنائیں گے
چشمِ بد سے بچانے کی خاطر
تمہیں اپنی نظر لگائیں گے
شاہد نواز
No comments:
Post a Comment