عارفانہ کلام حمد نعت منقبت
آپ کا ہوں میں امتی آقاﷺ
ہے یہ نعمت بہت بڑی آقاﷺ
ہے فضیلت درودﷺ کی ساری
جو لحد میں ہے روشنی آقاﷺ
ذات وہ آپؐ کی ہے جس کے لیے
بزم کونین ہے سجی آقاﷺ
تب ہے قسمت بلال کی بدلی
جب نظر آپ کی پڑی آقاﷺ
جس میں مسکن تھا آپ کا آقاﷺ
ہو عطا ہم کو وہ گلی آقاﷺ
انبیاء نے نماز پیچھے تِرےؐ
مقتدی بن کے ہے پڑھی آقاﷺ
تیری الفت میں رب نے کی اپنی
تجھ سے منسوب بندگی آقاﷺ
آپ پر دھوپ آ نہ جائے سو
کرتا بادل ہے نوکری آقاﷺ
آپ کے در گیا ہے جب شہباز
زندگی زندگی لگی آقاﷺ
شہباز ماہی
No comments:
Post a Comment