اس شہر صد آشوب میں اتری ہے قضا دیکھ

اس شہرِ صد آشوب میں اتری ہے قضا دیکھ

فرعون بنے بیٹھے ہیں مسند کے خدا دیکھ

بیٹھا ہے ہما رہزن و غدار کے سر پر

معصوم پرندے کی ہے معصوم ادا دیکھ

سوئی ہے کفن اوڑھے جو مزدور کی بیٹی

افلاس کے ہاتھوں پہ جلا رنگِ حنا دیکھ

حشر برپا ہے مرے جامہ عریانی سے

حشر برپا ہے مِرے جامۂ عریانی سے

داغ جاتا ہی نہیں عشق کا پیشانی سے

کعبۂ دل میں ہے بت خانہ بھی، میخانہ بھی

خوف آتا ہے مجھے اپنی مسلمانی سے

تیری آنکھیں ہیں مئے مست کے ساغر لیکن

سارے طوفاں ہیں مِرے خون کی جولانی سے

داستاں عشق کی مقتل کا بیاں ٹھہرے گی

گفتگو درد کی عالم کی زباں ٹھہرے گی

داستاں عشق کی مقتل کا بیاں ٹھہرے گی

شاہِ ست رنگ نے اک حشر سجایا ہے نیا

بندگی دہر کی اب حکمِ رواں ٹھہرے گی

شیخ و واعظ کا بیاں، فلسفۂ عشقِ بتاں

شاعری دیر و کلیسا کی اذاں ٹھہرے گی

دھیمے رنگوں کی دھوپ جیسی ہے

دھیمے رنگوں کی، دھوپ جیسی ہے

وہ ہنسی، کچی دھوپ جیسی ہے

رنگ آنکھوں کے ہو گئے گہرے

شام بھی، پکی دھوپ جیسی ہے

میں فقط، عکسِ آبِ آئینہ ہوں

یعنی، چمکیلی دھوپ جیسی ہے

کیا امید آس ٹوٹنے تک تھی

کیا امید، آس ٹوٹنے تک تھی

کیا مِری ہار ماننے تک تھی

کیا تِرا ہجر، ہجر ہی رہے گا

کیا تِری خوشبو سوچنے تک تھی

کیا مِری چپ سمجھ نہیں پائے

کیا ہر اک بات بولنے تک تھی

پہلے تو اس نے خود میں کیا مبتلا مجھے

پہلے تو اس نے خود میں کیا مبتلا مجھے

مجھ سے ہی رفتہ رفتہ کیا پھر جدا مجھے

آنکھوں میں رکھ رکھاؤ تو پہلے سا تھا مگر

لہجے کی سلوٹوں سے لگا دوسرا مجھے

جب تک انا تھی مجھ میں محبت نہیں ہوئی

خود کو فنا کیا تو ملا راستہ مجھے

جالے بنتی ہوئی مکڑی نہیں دیکھی جاتی

جالے بُنتی ہوئی مکڑی نہیں دیکھی جاتی

ماں، ترے گھر کی اداسی نہیں دیکھی جاتی

تجھ سلیقے سے ہر اک کونہ چمک اٹھتا تھا

صحن میں اب جمی کائی نہیں دیکھی جاتی

کس طرح تجھ کو بتاؤں، ترے ہونے کی کمی

گھر کے ہر طاق میں بیٹھی نہیں دیکھی جاتی

مشورہ کس نے دیا تھا کہ مسیحائی کر

مشورہ کس نے دیا تھا کہ مسیحائی کر 

زخم کھانے ہیں تو لوگوں سے شناسائی کر 

جیب خالی ہے تو کیا دل سے دعائیں دینگے 

ہم سے درویشوں کی نادان پذیرائی کر 

پھر نظر آئے گی آسان یہ دنیا تجھ کو 

آنکھ سے دیکھ مگر دل کو تماشائی کر 

اک پل کہیں رکے تھے سفر یاد آ گیا

اک پل کہیں رکے تھے سفر یاد آ گیا 

پھولوں کو ہنستا دیکھ کے گھر یاد آ گیا 

تتلی کے ساتھ آئی تِری یاد بھی ہمیں 

رکھا ہوا کتاب میں پر یاد آ گیا 

بیٹھے تھے جس کی چھاؤں میں ہم دونوں مدتوں 

کیا جانے آج کیوں وہ شجر یاد آ گیا 

اس کے ہونٹوں پہ بد دعا بھی نہیں

اس کے ہونٹوں پہ بددعا بھی نہیں 

اب مِرے واسطے سزا بھی نہیں 

لفظ خاموشیوں کا پردہ ہیں 

بولتا ہے وہ بولتا بھی نہیں 

میں نے پھولوں کو کھلتے دیکھا ہے 

اس نے ہونٹوں سے کچھ کہا بھی نہیں 

وہ نہ آئے گا یہاں وہ نہیں آنے والا

وہ نہ آئے گا یہاں، وہ نہیں آنے والا 

مجھ کو تنہائی کا احساس دلانے والا

کیا خبر تھی کہ ترس جائے گا تعبیروں کو 

اپنی آنکھوں میں تِرے خواب سجانے والا

اپنی تدبیر کے انجام سے ناواقف ہے 

حال تقدیر کا اوروں کو بتانے والا

ہوئی ہم سے یہ نادانی تری محفل میں آ بیٹھے

ہوئی ہم سے یہ نادانی تِری محفل میں آ بیٹھے 

زمیں کی خاک ہو کر آسمان سے دل لگا بیٹھے 

ہوا خونِ تمنا، اس کا شکوہ کیا کریں تم سے 

نہ کچھ سوچا نہ کچھ سمجھا جگر پر تیر کھا بیٹھے 

خبر کیا تھی گلستانِ محبت میں بھی خطرے ہیں 

جہاں گرتی ہے بجلی ہم اسی ڈالی پہ جا بیٹھے 

غم عشق رہ گیا ہے غم جستجو میں ڈھل کر

غمِ عشق رہ گیا ہے غمِ جستجو میں ڈھل کر 

وہ نظر سے چھپ گئے ہیں مِری زندگی بدل کر 

تِری گفتگو کو ناصح دلِ غم زدہ سے جل کر 

ابھی تک تو سن رہا تھا مگر اب سنبھل سنبھل کر 

نہ ملا سراغِ منزل کبھی عمر بھر کسی کو 

نظر آ گئی ہے منزل کبھی دو قدم ہی چل کر 

خوش ہوں کہ مرا حسن طلب کام تو آیا

خوش ہوں کہ مِرا حسنِ طلب کام تو آیا 

خالی ہی سہی میری طرف جام تو آیا 

کافی ہے مِرے دل کی تسلی کو یہی بات 

آپ آ نہ سکے،۔۔ آپ کا پیغام تو آیا 

اپنوں نے نظر پھیری تو دل تُو نے دیا ساتھ 

دنیا میں کوئی دوست مِرے کام تو آیا 

رنگ صنم کدہ جو ذرا یاد آ گیا

رنگِ صنم کدہ جو ذرا یاد آ گیا 

ٹوٹیں وہ بجلیاں کہ خدا یاد آ گیا 

ہر چند دل کو ترکِ محبت کا تھا خیال 

لیکن کسی کا عہدِ وفا یاد آ گیا 

جیسے کسی نے چھین لی رنگینیٔ بہار 

کیا جانئے بہار میں کیا یاد آ گیا 

آخری بار آہ کر لی ہے

آخری بار آہ کر لی ہے

میں نے خود سے نباہ کر لی ہے

اپنے سر اک بلا تو لینی تھی

میں نے وہ زلف اپنے سر لی ہے

دن بھلا کس طرح گزارو گے؟

وصل کی شب بھی اب گزر لی ہے

رنگ باد صبا میں بھرتا ہے

رنگ بادِ صبا میں بھرتا ہے

میرا اک زخم شام کرتا ہے

سب یہی پوچھتے ہیں مجھ سے کہ تُو

کیوں سدھارے نہیں سدھرتا ہے

روز شام و سحر کی راہوں سے

ایک انبوہ کیوں گزرتا ہے؟

تنگ آغوش میں آباد کروں گا تجھ کو

تنگ آغوش میں آباد کروں گا تجھ کو

ہوں بہت شاد کہ ناشاد کروں گا تجھ کو

فکرِ ایجاد میں گم ہوں مجھے غافل نہ سمجھ

اپنے انداز پر ایجاد کروں گا تجھ کو

نشہ ہے راہ کی دوری کا کہ ہمراہ ہے تُو

جانے کس شہر میں آباد کروں گا تجھ کو

ہونے کا دھوکہ ہی تھا

ہونے کا دھوکا ہی تھا

جو کچھ تھا وہ تھا ہی تھا

اب میں شاید تہ میں ہوں

پر وہ کیا دریا ہی تھا؟

بُود میری ایسی بکھری

بس میں نے سوچا ہی تھا

چپ رہتا ہے وہ اور آنکھیں بولتی رہتی ہیں

چپ رہتا ہے وہ اور آنکھیں بولتی رہتی ہیں 

اور کیا کیا بھید نظر کے کھولتی رہتی ہیں 

وہ ہاتھ میرے اندر کیا موسم ڈھونڈتا ہے 

اور انگلیاں کیسے خواب ٹٹولتی رہتی ہیں 

اک وقت تھا جب یہی چاند تھا اور سناٹا تھا

اور اب یہی شامیں موتی رولتی رہتی ہیں 

جز طلب اس سے کیا نہیں ملتا

جز طلب اس سے کیا نہیں ملتا

وہ جو مجھ سے ذرا نہیں ملتا

جان لینا تھا اس سے مل کے ہمیں 

بخت سے تو سوا نہیں ملتا

زخم کھلنے کے منتظر کب سے 

اور لمسِ ہوا نہیں ملتا

بھولا نہیں دل عتاب اس کے

بھولا نہیں دل عتاب اس کے 

احسان ہیں بے حساب اس کے

آنکھوں کی ہے ایک ہی تمنا

دیکھا کریں روز خواب اس کے 

ایسا کوئی شعر کب کہا ہے 

جو ہو سکے انتساب اس کے 

جب ساز کی لے بدل گئی تھی

جب ساز کی لے بدل گئی تھی

وہ رقص کی کون سی گھڑی تھی

اب یاد نہیں کہ زندگی میں 

میں آخری بار کب ہنسی تھی

جب کچھ بھی نہ تھا یہاں پر ما قبل

دنیا کس چیز سے بنی تھی 

تو جسم ہے تو مجھ سے لپٹ کر کلام کر

تُو جسم ہے تو مجھ سے لپٹ کر کلام کر 

خوشبو ہے گر تو دل میں سمٹ کر کلام کر 

میں اجنبی نہیں ہوں مجھے روند کر نہ جا 

نظریں ملا کے دیکھ، پلٹ کر کلام کر 

بالائے بام آنے کا گر حوصلہ نہیں 

پلکوں کی چلمنوں میں سمٹ کر کلام کر 

سانسوں میں مل گئی تری سانسوں کی باس تھی

سانسوں میں مل گئی تِری سانسوں کی باس تھی 

بہکی ہوئی نظر تھی کہ پھر بھی اداس تھی 

بے شک شکستِ دل پہ وہ مبہوت رہ گیا 

لیکن شکستِ دل میں بھی زندہ اک آس تھی 

گر تو مِرے حواس پہ چھایا ہوا نہ تھا 

ہستی وہ کون تھی جو مِرے دل کے پاس تھی 

میں نے جو آج کھائے ہیں غالب پسند آم

غالب پسند آم

میں نے جو آج کھائے ہیں غالب پسند آم

مجھ کو پسند آئے ہیں غالب پسند آم

طبع رواں کے واسطے مصرعہ طرح ہیں یہ

پیغامِ شعر لائے ہیں غالب پسند آم

فکرِ جواں کو جیسے ایک مہمیز مل گئی

شاعر کو اتنے بھائے ہیں غالب پسند آم

حبس بیجا میں رہ نہیں سکتا

حبسِ بیجا میں رہ نہیں سکتا

عمر بھر جبر سہہ نہیں سکتا

کتنے طوفان ہیں خموشی میں

میں جو سنتا ہوں کہہ نہیں سکتا

ریت میں ڈوب جاؤں گا، لیکن

ان سرابوں میں بہہ نہیں سکتا

انا کی دھوپ اور پہر تعلق

انا کی دھوپ اور پہرِ تعلق

ہے کتنا اجنبی شہرِ تعلق

لبوں پہ آ گیا دشنام بن کر

رگوں میں پھیلتا زہرِ تعلق

مزاجِ یار کا بل کھاتا دریا

ابھرتی ڈوبتی لہرِ تعلق

دسمبر آ گیا پھر سن نگلنے

حسابِ عمر کا ہندسہ بدلنے

دسمبر آ گیا پھر سن نگلنے

انگیٹھی، گرم کافی، اور کمبل 

لگی ٹھٹھری ہوئی یادیں پگھلنے

نکل جاتا ہوں بچ کر الجھنوں سے

سڑک پر زرد پتوں سے الجھنے

یہ شہر رفیقاں ہے دل زار سنبھل کے

یہ شہر رفیقاں ہے دلِ زار سنبھل کے 

ملتے ہیں یہاں لوگ بہت روپ بدل کے 

عارض ہیں کہ مرجھائے ہوئے پھول کنول کے 

آنکھیں ہیں کہ جھلسے ہوئے خوابوں کے محل کے 

چہرے ہیں کہ مرجھائے ہوئے پھول کنول کے

آنکھیں ہیں کہ جھلسے ہوئے خوابوں کے محل کے 

یم بہ یم پھیلا ہوا ہے پیاس کا صحرا یہاں

یم بہ یم پھیلا ہوا ہے پیاس کا صحرا یہاں 

اک سرابِ تشنگی ہے موجۂ صہبا یہاں 

روشنی کے زاویوں پر منحصر ہے زندگی 

آپ کے بس میں نہیں ہے آپ کا سایہ یہاں 

آتے آتے آنکھ تک دل کا لہو پانی ہوا 

کس قدر ارزاں ہے اپنے خون کا سودا یہاں 

اس شہر خفتگاں میں کوئی تو اذان دے

اس شہر خفتگاں میں کوئی تو اذان دے 

ایسا نہ ہو زمیں کا جواب آسمان دے 

پڑھنا ہے تو نوشتۂ بین السطور پڑھ 

تحریر بے حروف کے معنی پہ دھیان دے 

سورج تو کیا بجھے گا مگر اے ہوائے مہر 

تپتی زمیں پہ ابر کی چادر ہی تان دے 

ہوائے شام نہ جانے کہاں سے آتی ہے

ہوائے شام نہ جانے کہاں سے آتی ہے 

وہاں گلاب بہت ہیں جہاں سے آتی ہے 

یہ کس کا چہرہ دمکتا ہے میری آنکھوں میں 

یہ کس کی یاد مجھے کہکشاں سے آتی ہے 

اسی فلک سے اترتا ہے یہ اندھیرا بھی 

یہ روشنی بھی اسی آسماں سے آتی ہے 

آنکھوں میں اک خواب ہے اس کو یہیں سجاؤں گا

آنکھوں میں اک خواب ہے اس کو یہیں سجاؤں گا 

تھوڑی زمیں ملی تو اک دن باغ لگاؤں گا 

شہر جو تم یہ دیکھ رہے ہو اس میں کئی ہیں شہر 

میرے ساتھ ذرا نکلو تو سیر کراؤں گا 

میرے لیے یہ دیوار و در جیسے ہیں اچھے ہیں 

اس گھر کی آرائش کر کے کسے دکھاؤں گا 

خواب آنکھوں میں سوالی ہی رہے

خواب آنکھوں میں سوالی ہی رہے 

کاسۂ تعبیر خالی ہی رہے 

رقص کرتی خواہشوں کے زیرپا 

دل شکار پائمالی ہی رہے 

خاک ہو جاتے لہو کی آگ میں 

جسم کے کوزے سفالی ہی رہے

کتنا کوئی آن پکارے کتنا سر ٹکرائے

کتنا کوئی آن پکارے، کتنا سر ٹکرائے

آئینے کے اندر ہے جو، باہر کیسے آئے

رفتہ، موجودہ، آئندہ کی تقسیم سے باہر

ایک زمانہ تیرا میرے اندر چلتا جائے

شاید پیچھے آنے والے ہم سے بہتر دیکھیں

ہم نے کچھ دروازے کھولے، کچھ پردے سرکائے

جہاں کے رخ پہ اگر کھڑکیاں بناتے ہم

جہاں کے رخ پہ اگر کھڑکیاں بناتے ہم

تو صرف سانس کی آسانیاں بناتے ہم

پہن پہن کے دکھانے کو ڈھیر لگ جاتا

یہ شور کاٹ کے تنہائیاں بناتے ہم

کوئی تو خواب کے اس پار بھی پہنچ جاتا

ذرا سا جاگتے، اور کشتیاں بناتے ہم

ذرا سا شر تھا اگر خیر سے نکل جاتا

ذرا سا شر تھا اگر خیر سے نکل جاتا

تعلقات کا مفہوم ہی بدل جاتا

کوئی سنہری کرن روز ہم بنا لیتے

یہ برف ہوتا ہوا شہر کچھ پگھل جاتا

کسی شجر پہ محبت سے ہاتھ رکھ دیتے

تو گھونسلوں پہ مسلّط عذاب ٹل جاتا

دنیا تیرے مطلب کی ہے تو دنیا کے مطلب کا

دنیا تیرے مطلب کی ہے، تُو دنیا کے مطلب کا 

اور دونوں کے پاس نہیں ہے کچھ بھی میرے مطلب کا

اصلی بات پہ کیا پھل آتا ہاہا کار کے موسم میں 

سب نے باغ لگا رکھا ہے اپنے اپنے مطلب کا

اپنی ہی آواز پہ لٹو ہو کر ابنِ آدم نے

کیسا کیسا لفظ بنایا کیسے کیسے مطلب کا

دوستداران وفا گم ہو گئے

دوستدارانِ وفا گم ہو گئے

وائے اربابِ وفا گم ہو گئے

راستے پر پیچ ، راہی دلفگار

رہبروں کے نقشِ پا گم ہو گئے

رات کے تاریک سناٹوں کے ساتھ

مطربانِ خوشنوا گم ہو گئے

ٹل نہیں سکتا کسی حالت میں فرمان حسین

عارفانہ کلام منقبت سلام مرثیہ بر امام الشہدا امام حسین 

ٹل نہیں سکتا کسی حالت میں فرمان حسین

ثبت ہے تاریخ کے چہرے یہ عنوان حسین

معصیت سے بھی سوا ہے طاقت فسق و فجور

تھا کتاب اللہ کی تفسیر کا اعلان حسین

سر کٹا کے دین ابراہیمؑ کو زندہ کیا

دین قیم کا مرقع تھے جوانان حسین

اسے منا کر غرور اس کا بڑھا نہ دینا

اسے منا کر غرور اس کا بڑھا نہ دینا 

وہ سامنے آئے بھی تو اس کو صدا نہ دینا 

خلوص کو جو خوشامدوں میں شمار کر لیں 

تم ایسے لوگوں کو تحفتاً بھی وفا نہ دینا 

وہ جس کی ٹھوکر میں ہو سنبھلنے کا درس شامل 

تم ایسے پتھر کو راستے سے ہٹا نہ دینا 

پیار دلار کے سائے سائے چلا کرو

پیار دلار کے سائے سائے چلا کرو 

جلتے لوگو! کچھ تو اپنا بھلا کرو 

پیار کی آنچ نکھار کا باعث بنتی ہے 

جلنا ہے تو پیار کی آگ میں جلا کرو 

سوچ تمہاری کندن بن کر دمکے گی 

کسی کی تپتی یادوں میں تم ڈھلا کرو 

اس دور میں توفیق انا دی گئی مجھ کو

اس دور میں توفیقِ انا دی گئی مجھ کو 

کس جرم کی آخر یہ سزا دی گئی مجھ کو 

میں نے جو کیا فصلِ بہاراں کا تقاضا 

اک پھول کی تصویر دکھا دی گئی مجھ کو 

یہ کون مِرے نام کو دہرا سا رہا ہے 

شاید کسی گنبد میں صدا دی گئی مجھ کو 

تمام تر اسی خانہ خراب جیسا ہے

تمام تر اسی خانہ خراب جیسا ہے 

مِرے لہو کا نشہ بھی شراب جیسا ہے 

نہا رہا ہوں میں اسکے بدن کی کرنوں میں 

وہ آدمی ہے، مگر ماہتاب جیسا ہے 

کروں تلاش جواہر تو ریت ہاتھ آئے 

سمندروں کا چلن بھی سراب جیسا ہے 

سامان طرب اور زمانے کے لیے ہیں

سامانِ طرب اور زمانے کے لیے ہیں

ہم جسم کا اسباب اٹھانے کے لیے ہیں

اے کاریگرِ حسن کبھی تُو نے یہ سوچا

یہ چاند بھی مٹی میں ملانے کے لیے ہیں

ان سوختہ جانوں کو نہ دھرتی میں اتارو

یہ پھول تو گنگا میں بہانے کے لیے ہیں

وہ لوگ اب وہ لوگ نہ جانے کدھر گئے

وہ لوگ اب وہ لوگ نہ جانے کدھر گئے

میلے بھرے بھرائے جو سنسان کر گئے

کچھ ساتھیوں کو وقت کا سنسار لے گیا

کچھ زندگی کے بوجھ تلے آ کے مر گئے

آنکھوں میں ایک بوند بھی پانی نہیں رہا

بادل سمٹ گئے ہیں کہ دریا اتر گئے؟

لوگ بڑے ہمدرد زمانہ اچھا ہے

لوگ بڑے ہمدرد، زمانہ اچھا ہے

پھر بھی یارو! زخم چھپانا اچھا ہے

شاید کوئی بچھڑا ساتھی آن ملے

سارے رستے گرد اڑانا اچھا ہے

اتنا زیادہ خون کہاں سے لاؤ گے

بیماروں کو زہر پلانا اچھا ہے

کہیں جنگل کہیں دربار سے جا ملتا ہے

کہیں جنگل کہیں دربار سے جا ملتا ہے 

سلسلہ وقت کا تلوار سے جا ملتا ہے 

میں جہاں بھی ہوں مگر شہر میں دن ڈھلتے ہی 

میرا سایہ تِری دیوار سے جا ملتا ہے 

تیری آواز کہیں روشنی بن جاتی ہے 

تیرا لہجہ کہیں مہکار سے جا ملتا ہے 

کیا رنج کہ یوسف کا خریدار نہیں ہے

 کیا رنج کہ یوسف کا خریدار نہیں ہے 

یہ شہر کوئی مصر کا بازار نہیں ہے 

کیوں میری گرفتاری پہ ہنگامہ ہے ہر سو 

وہ کون ہے جو تیرا گرفتار نہیں ہے 

کس کس پہ عنایت نہ ہوئی تیری نظر کی 

بس ایک مری سمت گہر بار نہیں ہے 

خوبصورت پھولوں اور رنگ برنگی تتلیوں کی قسم

خوبصورت پھولوں

اور رنگ برنگی تتلیوں کی قسم 

تم میری روح اور میرے بدن کے درمیان 

یوں ہو 

جیسے زمین اور آسمان کے درمیان 

ٹمٹماتے ہوئے ستارے 

میری شام غم میری شام غم میرے پاس آ

تنہائی

میری شام غم میری شام غم 

میرے پاس آ مجھے روز و شب کی فیصل پر 

میری پور پور میں درد بن کے اتر گیا 

جو کہیں کہیں پہ پڑاؤ تھا میرا آب اشک کی جھیل پر 

تیرے جیسے ہی کسی خیر خواہ سے کم نہ تھا 

درد کی کالی کوٹھڑی میں

ویرانی

درد کی کالی کوٹھڑی میں 

عمر قید کے سزا یافتہ 

بے قرار اور گھبرائے ہوئے دل کا عالم 

اور دل میں قید

شکستہ اور کملائی ہوئی آرزوئیں 

چمن زادوں سے کہنا

ایک خط

چمن زادوں سے کہنا

دل نے ایسے زخم کھائے ہیں

وہ صدمے آزمائے ہیں

کہ اب لحنِ ہوا میں وحشتِ افتادگی ہے

اور نہ اندھی آنکھ خوابوں کو ترستی ہے

نئی رتوں کا نوحہ خالد شریف

نئی رتوں کا نوحہ

چلو زمانوں کی دھول پھانکیں

پرانے قصوں کے خالقوں کی اداس روحوں سے داد مانگیں

کہ ہم نے ان کے ہر ایک چہرے کو نقش بخشے

کہ ہم نے اپنے جواں لہو کو سپید قرطاس پر انڈیلا

کہ ہم نے بوسیدہ مرقدوں پر نئے چراغوں سے روشنی کی

پریپریشن

پریپریشن

ہمیں تیار کرنا ہے

اب آنے والی ساعت کے لیے

خود کو

ہمیں تیار کرنا ہے

نہ میں الزام دوں تم کو

نہ تم الزام دو مجھ کو

سردیوں کی دھوپ

سردیوں کی دھوپ

ابھی کچھ روز پہلے

سردیوں کی دھوپ میں

بیٹھے ہوئے اس نے کہا تھا

زندگی کتنی حسیں ہے

پھول کتنے خوبصورت ہیں

بنجارہ

بنجارہ

میں بنجارہ

وقت کے کتنے شہروں سے گزرا ہوں

لیکن

وقت کے اس اک شہر سے جاتے جاتے مڑ کے دیکھ رہا ہوں

سوچ رہا ہوں

تم سے میرا یہ ناتا بھی ٹوٹ رہا ہے

فساد سے پہلے

فساد سے پہلے

آج اس شہر میں

ہر شخص ہراساں کیوں ہے

چہرے

کیوں فق ہیں

گلی کوچوں میں

کِس لیے چلتی ہے

وعدہ جو تھا نباہ کا تم نے وفا نہیں کیا

وعدہ جو تھا نباہ کا تم نے وفا نہیں کیا 

ہم نے تو آج تک تمہیں دل سے جدا نہیں کیا 

ہم ہی وہ کم نصیب تھے مانگے ملی نہ موت بھی 

آپ کا کیا قصور ہے آپ نے کیا نہیں کیا 

موم ہوئے پگھل گئے، سنگ بنے چٹخ گئے 

پھر بھی زباں سے آج تک ہم نے گلہ نہیں کیا 

اک یاد تھی کسی کی جو بادل بنی رہی

اک یاد تھی کسی کی جو بادل بنی رہی 

صحرا نصیب کے لیے چھاؤں گھنی رہی 

وہ نقش ہوں جو بن کے بھی اب تک نہ بن سکا 

وہ بات ہوں جو کہہ کے بھی نا گفتنی رہی 

پتھر کا بت سمجھ کہ یہ کس شے کو چھو لیا 

برسوں تمام جسم میں اک سنسنی رہی 

نقصان کیا بتائیں ہمارا کیا بہت

نقصان کیا بتائیں ہمارا کِیا بہت 

اس کاروبارِ دل نے خسارا کیا بہت 

چاروں طرف تھے پھول شفق کے کھلے ہوئے 

جس شام آسماں کا نظارا کیا بہت 

اب کیا کروں کہ شور میں آواز دب گئی 

میں اس کو شہرِ جاں میں پکارا کیا بہت 

میں خواب اپنے سارے نیلام کر رہا ہوں

میں خواب اپنے سارے نیلام کر رہا ہوں 

اور یہ بھی جان لو کہ بے دام کر رہا ہوں 

اس سے غرض نہیں ہے بولی لگے گی کیسے 

جو کام کرنا ہے، بس وہ کام کر رہا ہوں 

وہ سب کہانیاں جو پوری نہیں ہوئی تھیں 

تحریر آج ان کا انجام کر رہا ہوں 

کب تک اس کا ہجر مناتا صحرا چھوڑ دیا

کب تک اس کا ہجر مناتا صحرا چھوڑ دیا 

جینے کی امید میں میں نے کیا کیا چھوڑ دیا 

میرے ساتھ لگا رہتا ہے یادوں کا بادل 

دھوپ بھرے رستوں پر اس نے سایہ چھوڑ دیا 

ہر چہرے پر اک چہرے کا دھوکہ ہوتا ہے 

کس نے مجھ کو اس بستی میں تنہا چھوڑ دیا 

عشق آباد فقیروں کی ادا رکھتے ہیں

عشق آباد فقیروں کی ادا رکھتے ہیں 

اور کیا اس کے سوا اہلِ انا رکھتے ہیں 

ہم تہی دست کچھ ایسے بھی تہی دست نہیں 

کچھ نہیں رکھتے، مگر پاسِ وفا رکھتے ہیں 

زندگی بھر کی کمائی یہ تعلق ہی تو ہے 

کچھ بچے یا نہ بچے اس کو بچا رکھتے ہیں 

نشاں کسی کو ملے گا بھلا کہاں میرا

نشاں کسی کو ملے گا بھلا کہاں میرا 

کہ ایک روح تھا میں جسم تھا نشاں میرا 

ہر ایک سانس نیا سال بن کے آتا ہے 

قدم قدم ابھی باقی ہے امتحاں میرا 

مری زمیں مجھے آغوش میں سمیٹ بھی لے 

نہ آسماں کا رہوں میں نہ آسماں میرا 

آسمانوں سے زمینوں پہ جواب آئے گا

آسمانوں سے زمینوں پہ جواب آئے گا 

ایک دن رات ڈھلے یومِ حساب آئے گا 

مطمئن ایسے کہ ہر گام یہی سوچتے ہیں 

اس سفر میں کوئی صحرا نہ سراب آئے گا 

یہ جوانی تو بڑھاپے کی طرح گزرے گی 

عمر جب کاٹ چکوں گا تو شباب آئے گا 

لٹ گیا ہے تو یوں دہائی نہ دے

لٹ گیا ہے تو یوں دہائی نہ دے

پتھروں کو تو کچھ سنائی نہ دے

یا مسائل کا حل بتا مجھ کو

یا مجھے قید سے رہائی نہ دے

بے خطا ہوں وہ جانتا ہے، مگر

میں ہوں مفلس مِری صفائی نہ دے

یوں اٹھے درد کے شعلے کہ بجھائے نہ گئے

یوں اٹھے درد کے شعلے کہ بجھائے نہ گئے

ہم چراغوں کی طرح روز جلائے نہ گئے

وہ بھی لاشوں کو کناروں پہ اگل آیا ہے

ظلم دریا سے بھی انساں کے چھپائے نہ گئے

یہ تو جنت کا نمونہ ہیں، انہیں کیا کہیے

گھر کے وہ گوشے جو مہماں کو دکھائے نہ گئے

نہ ملتا غم تو بربادی کے افسانے کہاں جاتے

فلمی گیت
 
نہ ملتا غم تو بربادی کے افسانے کہاں جاتے
اگر دنیا چمن ہوتی تو ویرانے کہاں جاتے
نہ ملتا غم تو بربادی کے افسانے کہاں جاتے

چلو، اچھا ہوا اپنوں میں کوئی غیر تو نکلا
اگر ہوتے سبھی اپنے تو بے گانے کہاں جاتے
اگر دنیا چمن ہوتی تو ویرانے کہاں جاتے

ہاں چھیڑو غزل عاجز چپ رہنے سے کیا ہو گا

ہاں چھیڑو غزل عاجز چپ رہنے سے کیا ہو گا 

کچھ لوگ تو خوش ہوں گے، وہ ہو گا خفا ہو گا

ہونے کو ستم یوں تو کیا کیا نہ ہوا ہو گا 

جیسا کہ ہوا ہم پر، ایسا نہ ہوا ہو گا

جو زخم بھی وہ دیں گے ہر زخم نیا ہو گا 

آج اور مزہ آیا،۔ کل اور مزہ ہو گا

رنگ آنسوؤں کا میرے جس دن سے شہابی ہے

رنگ آنسوؤں کا میرے جس دن سے شہابی ہے

صبح ان کی بسنتی ہے، شام ان کی گلابی ہے

مۓ خانے سے باہر تک جھنکار چلی آیٔی

یہ کس کا سبو ٹوٹا، یہ کون شرابی ہے

بے کیفئ صہبا میں ساقی کی خطا نکلی

ہم نے تو یہ سمجھا تھا موسم کی خرابی ہے

طبیعت کو قابو میں لانا پڑے ہے

طبیعت کو قابو میں لانا پڑے ہے 

اٹھے ہے کہاں غم اٹھانا پڑے ہے

خبر ہے کہ ہیں دشمنِ جان و دل وہ 

مگر دل انہیں سے لگانا پڑے ہے

عجب چیز ہے کاروبارِ محبت 

کمانا پڑے ہے، لٹانا پڑے ہے

جب چلی ٹھنڈی ہوا جب اٹھی کالی گھٹا

فلمی  گیت

جب چلی ٹھنڈی ہوا، جب اٹھی کالی گھٹا
مجھ کو اے جانِ وفا تم یاد آئے

زندگی کی داستاں، چاہے کتنی ہو حسیں
بِن تمہارے کچھ نہیں
کیا مزا آتا صنم، آج بھولے سے کہیں
تم بھی آ جاتے یہیں

تری طلب تھی ترے آستاں سے لوٹ آئے

تِری طلب تھی تِرے آستاں سے لوٹ آئے 

خزاں نصیب رہے، گلستاں سے لوٹ آئے 

بصد یقیں بڑھے، حدِ گماں سے لوٹ آئے 

دل و نظر کے تقاضے کہاں سے لوٹ آئے 

سرِ نیاز کو پایا نہ جب تِرے قابل 

خرابِ عشق تِرے آستاں سے لوٹ آئے 

تشنہ لب آوارگی

تشنہ لب آوارگی

خواب کچھ بکھرے ہوئے سے خواب ہیں 

کچھ ادھوری خواہشیں 

تشنہ لب آوارگی کے روز و شب 

ایک صحرا چار سو بکھرا ہوا 

اور قدموں سے تھکن لپٹی ہوئی 

چمن میں رہ کے ویرانہ میرا دل ہوتا جاتا ہے

فلمی گیت

چمن میں رہ کے ویرانہ میرا دل ہوتا جاتا ہے
خوشی میں آج کل کچھ غم بھی شامل ہوتا جاتا ہے
چمن میں رہ کے ویرانہ ۔۔۔۔۔

نہ جانے کیوں بدلتی جا رہی ہے زندگی میری
میں دل سے بےخبر دل مجھ سے غافل ہوتا جاتا ہے
چمن میں رہ کے ویرانہ ۔۔۔۔۔

کبھی ان کے ملن کی آشا نے اک جوت جگا دی تھی من میں

کبھی ان کے ملن کی آشا نے اک جوت جگا دی تھی من میں

اب من کا اجالا سنولایا، پھر شام ہے من کے آنگن میں

جو گھلتا ہے آنسو ڈھلتے ہیں، ہر نِیر میں دِیپ سے جلتے ہیں

اب بِرہا سے جی کی آگ بجھے، یہ تو اور بھی بھڑکے ساون میں

چلو انشا کے پاس چلیں بیٹھیں سنیں گیت منوہر پریم بھرے

جنہیں سن لیں تو من کو مسوس مریں سبھی گوپیاں گوکل کے بن میں

سب کو دل کے داغ دکھائے ایک تجھی کو دکھا نہ سکے

سب کو دل کے داغ دکھائے ایک تجھی کو دکھا نہ سکے 

تیرا دامن دور نہیں تھا، ہاتھ ہمیں پھیلا نہ سکے 

تو اے دوست! کہاں لے آیا چہرہ یہ خورشید مثال 

سینے میں آباد کریں گے آنکھوں میں تو سما نہ سکے 

نا تجھ سے کچھ ہم کو نسبت نا تجھ کو کچھ ہم سے کام 

ہم کو یہ معلوم تھا لیکن دل کو یہ سمجھا نہ سکے 

خمار قرب جو ٹوٹا تمہیں پتا ہی نہیں

خمارِ قرب جو ٹوٹا، تمہیں پتا ہی نہیں

کہ وصل میں ہوں اکیلا، تمہیں پتا ہی نہیں

پلٹ دیا ہے ورق تم نے، جبکہ میں ہوں ہنوز 

گزشتہ باب میں کھویا، تمہیں پتا ہی نہیں

بہت عزیز مجھے اپنے گھر کا ہے یہ سکوں

ہے شور شہر میں جتنا تمہیں پتا ہی نہیں

نہ آج خود کو سنبھالو اگر مری مانو

نہ آج خود کو سنبھالو اگر مِری مانو

مجھے گلے سے لگا لو اگر مری مانو

بہت نشاط فزا رقص گاہ کی ہے یہ شب

مزاج تم بھی بنا لو اگر مری مانو

پسِ وصال بھلا کیا علاجِ مرگِ امید

تم ایک جام اٹھا لو اگر مری مانو

کچھ کٹی غم میں کچھ خوشی سے بھی

کچھ کٹی غم میں کچھ خوشی سے بھی

ہم نہ اکتائے زندگی سے بھی

جس کا منشا فروغِ خوشبو تھا

باغ مہکا نہ اس کلی سے بھی

اور کیا چاہیے خدا جانے

ملتفت ہیں نہ بندگی سے بھی

قلب پروانگی میں ڈھل ڈھل کر

قلبِ پروانگی میں ڈھل ڈھل کر

آگ میں راکھ ہو گیا جل کر

اشک کیچڑ بچھا چکے آگے

عاشقوں کی ڈگر نہ دلدل کر

کیا نکالا نچوڑ دیکھیں تو

چار دن خوب مسئلے حل کر

ہم ڈوب ڈوب خود میں تیراک ہو گئے ہیں

جب دیکھیے یہ رخنے نمناک ہو گئے ہیں

ہم ڈوب ڈوب خود میں تیراک ہو گئے ہیں

مر مر کے جی رہے ہیں جی جی کے مر رہے ہیں

بیمار جامِ جم کے بے باک ہو گئے ہیں

نہ تم مِرے تلک ہو نہ دل ہے دسترس میں

دو دو جہاں زمیں کے افلاک ہو گئے ہیں

ترا رنگ بصیرت ہو بہو مجھ سا نکل آیا

ترا رنگ بصیرت ہو بہو مجھ سا نکل آیا 

تجھے میں کیا سمجھتا تھا مگر تو کیا نکل آیا 

ذرا سا کام پڑتے ہی مزاج اک خاک زادے کا 

قد و قامت میں گردوں سے بھی کچھ اونچا نکل آیا 

زر خوشبو کھنکتا رہ گیا دست گل تر میں 

دل سادہ خریدار دل سادہ نکل آیا 

اک رنج عمر دے کے چلا ہے کدھر مجھے

اک رنج عمر دے کے چلا ہے کدھر مجھے 

گلیوں میں رول دیں نہ مرے بال و پر مجھے 

دل پربتوں کے پار نہ چل دے ہوا کے ساتھ 

بادل بنا نہ دے مری خوئے سفر مجھے 

میں نے جنہیں چھوا انہیں شہکار کر دیا 

اے کاش چھو سکے مرا دست ہنر مجھے 

شب کے خلاف برسر پیکار کب ہوئے

شب کے خلاف برسر پیکار کب ہوئے 

ہم لوگ روشنی کے طلبگار کب ہوئے 

خوشبو کی گھات میں ہیں شکاری ہواؤں کے 

جھونکے مگر کسی سے گرفتار کب ہوئے 

تعبیر کی رتوں نے بدن زرد کر دئیے 

پھر بھی یہ لوگ خواب سے بیدار کب ہوئے 

ملال یہ ہے مسائل کا حل بناتے ہوئے

ملال یہ ہے مسائل کا حل بناتے ہوئے

گنوا کے بیٹھ گئے آج، کل بناتے ہوئے

گھسے پٹے ہوئے لہجوں میں کچھ نہیں رکھا

نیا ہی رنگ نکالو غزل بناتے ہوئے

بظاہر ایک ہی پل میں بدل گیا سب کچھ

کئی زمانے لگے ایک پل بناتے ہوئے

منظر میں کوئی اور تصور میں کوئی اور

منظر میں کوئی اور تصور میں کوئی اور

ہے تال میں دھن اور کوئی سُر میں کوئی اور

چہرے پہ تو کچھ اور ہی تحریر تھا لیکن

تصویر جھلکتی تھی دلِ حر میں کوئی اور

میں حیرتی حسن ازل کیا ہوں مگر سن

مجھ سا بھی نہیں اہلِ تحیر میں کوئی اور

اس تکلم کی ادا پر کوئی کیا بات کرے

اس تکلم کی ادا پر کوئی کیا بات کرے

ہونٹ چپ ہوں تو تِرا رنگِ حنا بات کرے

دیکھ ہم خاک نشینوں سے زمانے کا سلوک

جیسے سوکھے ہوئے پتوں سے ہوا بات کرے

مجھ کو ہر فیصلہ منظور, مگر آخری بار

وہ مِرے سامنے آ کر تو ذرا بات کرے

شوق مشتاق لقا صبر سے بیگانہ ہوا

شوق مشتاقِ لقا صبر سے بے گانہ ہوا

جب سے مشہور تِرے حسن کا افسانہ ہوا

ایک ہی کام تو یہ عشق سے مردانہ ہوا

کہ، تِرے شیوۂ ترکانہ کا دیوانہ ہوا

وصلِ جاناں، نہ ہوا جان دیئے پر بھی نصیب

یعنی اس جنسِ گرامی کا یہ بیعانہ ہوا

اک جو لے دے کے ہمیں شیوہ یاری آیا

اک جو لے دے کے ہمیں شیوۂ یاری آیا 

وہ بھی کچھ کام نہ خدمت میں تمہاری آیا 

ان کے آگے لبِ فریاد بھی گویا نہ ہوئے 

چپ رہے ہم، جو دمِ شِکوہ گزاری آیا 

آرزو حال جو اپنا انہیں لکھنے بیٹھی

قلمِ شوق پہ نامہ نگاری آیا

سارے لہجے ترے بے زماں ایک میں

سارے لہجے تِرے بے زماں ایک میں 

اس بھرے شہر میں رائیگاں ایک میں 

وصل کے شہر کی روشنی ایک تُو 

ہجر کے دشت میں کارواں ایک میں 

بجلیوں سے بھری بارشیں زور پر 

اپنی بستی میں کچا مکاں ایک میں 

واسطہ حسن سے کیا شدت جذبات سے کیا

واسطہ حسن سے کیا، شدتِ جذبات سے کیا 

عشق کو تیرے قبیلے یا میری ذات سے کیا 

مری مصروف طبعیت بھی کہاں روک سکی

وہ تو یاد آتا ہے اس کو مِرے دن رات سے کیا 

پیاس دیکهوں یا کروں فکر، کہ گهر کچا ہے 

سوچ میں ہوں کہ مِرا رشتہ ہے برسات سے کیا 

اب رہو گرد کی فصیلوں میں

اب رہو گرد کی فصیلوں میں

خشکیاں بھر گئی ہیں جھیلوں میں

روشنی کی تلاش تھی ہم کو

گھر گئے آگ کی فصیلوں میں

نُور سے میں نے بھر لیا دامن

لوگ الجھے رہے دلیلوں میں

کیسے سینے سے لگائے وہ سہارا کیا دے

کیسے سینے سے لگائے وہ سہارا کیا دے

ریت ہی ریت ہے لہروں کو کنارا کیا دے

رنگ پھولوں کے اترتے ہیں کھلی آنکھوں میں

بند ہے آنکھ تِری تجھ کو نظارا کیا دے

کوئی سورج تو نہیں بھر دے جو دامن اس کا

چاند کو پورا کرے کیسے ستارا کیا دے

جانِ من جان جاں

جانِ من، جانِ جاں

حکم ہے اس لیے

کر رہا ہوں بیاں

تو نے پوچھا ہے میں

کیسے جیتا ہوں اب

کیسے کٹتا ہے دن

پاگل پن

پاگل پن

میرا دایاں ہاتھ، بائیں ہاتھ کو

کاٹنے میں رات دن مصروف ہے

صحن سے دہلیز تک

خون کے دھبوں کی شطرنج بچھی ہے، جس پہ موت

سینکڑوں چہرے بکھیرے، زندگی کو مات دینے کے نشے میں مست ہے

نیا چوراہا​

نیا چوراہا​

قد آور آئینے لے کر

بونوں کا مخلوط جلوس ابھی گزرا ہے

لمبے لمبے بالوں والا اک دانشور

بازی گر کے بانس پہ چڑھ کر

گردن کی سب نسیں پھلائے چیخ رہا ہے

دن ڈھلا شام ہوئی پھول کہیں لہرائے

دن ڈھلا شام ہوئی پھول کہیں لہرائے 

سانپ یادوں کے مہکتے ہوئے ڈسنے آئے 

وہ کڑی دھوپ کے دن وہ تپش راہ وفا 

وہ سواد شب گیسو کے گھنیرے سائے 

دولت طبع سخن گو ہے امانت اس کی 

جب تِری چشم سخن ساز طلب فرمائے 

سب کے جلوے نظر سے گزرے ہیں

سب کے جلوے نظر سے گزرے ہیں 

وہ نہ جانے کدھر سے گزرے ہیں 

موج آواز پائے یار کے ساتھ 

نغمے دیوار و در سے گزرے ہیں 

آج آیا ہے اپنا دھیان ہمیں 

آج دل کے نگر سے گزرے ہیں 

ایک سے ایک ہے غارت گر ایمان یہاں

ایک سے ایک ہے غارت گرِ ایمان یہاں 

اے مِرے دل!، تِرا اللہ نگہبان یہاں 

چھوڑ کر جاؤں تِرے شہر کی گلیاں کیسے 

دل یہاں، روح یہاں، جسم یہاں، جان یہاں 

کس سے پوچھوں کہ وہ بے مہر کہاں رہتا ہے 

دلِ بے تاب! مِری جان نہ پہچان یہاں 

تری نظر سے زمانے بدلتے رہتے ہیں

تِری نظر سے زمانے بدلتے رہتے ہیں 

یہ لوگ تیرے بہانے بدلتے رہتے ہیں 

فضائے کنج چمن میں ہمیں تلاش نہ کر 

مسافروں کے ٹھکانے بدلتے رہتے ہیں 

نفس نفس متغیر ہے داستان حیات 

قدم قدم پہ فسانے بدلتے رہتے ہیں 

اللہ سائیں کیا تو ایسا کر سکتا ہے

اللہ سائیں

اللہ سائیں 

کیا تُو ایسا، کر سکتا ہے

یخ بستہ اک رات کے، پچهلے پہر

بڑی خاموشی سے

تُو نیچے آئے

وہ لمحہ

وہ لمحہ

اس لمحے سے

ڈر لگتا ہے

سچ مچ گر یہ، جابر لمحہ

میرے سر پر

ٹوٹ پڑا تو؟

اک بیٹی کی طرف سے

اک بیٹی کی طرف سے

میرے باپ نے 

میرا درد سہا دل پر

وہ بهی ہر دم بیٹیوں کے

دکھ دیکهے گا

قدرت کا قانون ہے

گر تم، سمجھ سکو

مرے سوا بھی وفا کی مثال پیش کرے

جو ذہن و دل میں ہے کھل کر خیال پیش کرے

مرے سوا بھی وفا کی مثال پیش کرے

چلو کھلے تو سہی، کون با وفا کتنا؟

تو حسن کو ہے اجازت سوال پیش کرے

جو دنیادار ہیں گن گن کے وہ قدم رکھیں 

فقیر کو ہے اجازت دھمال پیش کرے

کہاں لکھا ہے کہ میرا کہا نہیں ہونا

سو حرف حرف یہی دوسرا نہیں ہونا

کہاں لکھا ہے کہ میرا کہا نہیں ہونا

ہم ایک جیسے ہی ضدی ہیں اور جانتے ہیں

بچھڑ گئے تو کبھی رابطہ نہیں ہونا

کہاں ہیں میرے وہ کالی زبان والے دوست

جو کہ رہے تھے کہ تُو نے مرا نہیں ہونا

نہیں تھے تم تو مجھے تتلیاں بنانی پڑیں

مجھے تو رو رہے پھولوں کو چپ کرانا تھا

نہیں تھے تم تو مجھے تتلیاں بنانی پڑیں

پہاڑیوں کو ملانا تھا نیلی بستی سے

کئی ہزار ہمیں سیڑهیاں بنانی پڑیں

مِرے بزرگوں نے سب کشتیاں جلا دی تھیں

مجھے دوبارہ نئی کشتیاں بنانی پڑیں

ایک خودسر کو دوسرا کر کے

ایک خودسر کو دوسرا کر کے

خوش ہوں ایجاد آئینہ کر کے

بے نیازی سی بے نیازی ہے

کیا تجھے چھوڑ دوں خدا کر کے

ان کھلی کھڑکیوں کا المیہ ہے

کوئی لوٹا نہیں صدا کر کے

ہوا کچھ ایسی چلی تھی بکھر گئے ہوتے

ہوا کچھ ایسی چلی تھی، بکھر گئے ہوتے

رگوں میں خوں جو ہوتا تو مر گئے ہوتے

یہ سرد رات، یہ آوارگی، یہ نیند کا بوجھ

ہم اپنے شہر میں ہوتے تو گھر گئے ہوتے

نئے شعور کو جن کا شکار ہونا ہے

وہ حادثے بھی ہمیں پر گزر گئے ہوتے

ہائے اک شخص جسے ہم نے بھلایا بھی نہیں

ہائے اک شخص جسے ہم نے بھلایا بھی نہیں 

یاد آنے کی طرح یاد وہ آیا بھی نہیں 

جانے کس موڑ پہ لے آئی ہمیں تیری طلب 

سر پہ سورج بھی نہیں راہ میں سایا بھی نہیں 

وجہ رسوائی احساس ہوا ہے کیا کیا 

ہائے وہ لفظ جو لب تک مِرے آیا بھی نہیں 

جو میں سوئے طیبہ چلوں کبھی تو سفر میں ایسا کمال ہو

نعت سرور عالمﷺ 

جو میں سوئے طیبہ چلوں کبھی تو سفر میں ایسا کمال ہو

نہ ستائیں راہ کے پیچ و خم، نہ بدن تھکن سے نڈھال ہو

مِری خاک خشت میں ڈھال کر اسے چن دو روضۂ پاک میں

نہ ہی فاصلوں کا گلہ رہے، نہ جدائیوں کا ملال ہو

تِرا عشق میرا خزانہ ہے، تِرا ذکر مِری کمائی ہے

میں وہ دن نہ دیکھوں خدا کرے کہ مِری طلب زر و مال ہو

اے خدا شکر ہے دنیا کے نکل جانے سے

اے خدا شکر ہے دنیا کے نکل جانے سے

ایک بت کم تو ہوا دل کے صنم خانے سے

میں بہت دیر کہانی میں نہیں رہنے کا

یہ حقیقت بھی نکل جائے گی افسانے سے

کتنے ٹکڑوں میں بٹا شیشۂ جاں دیکھو نا

اک ذرا جسم کی دیوار کو لرزانے سے

انہیں بتاؤ جو کہتے ہیں کیا بچا مرے پاس

انہیں بتاؤ جو کہتے ہیں کیا بچا مِرے پاس

ہر ایک چیز لٹا کر خدا بچا مرے پاس

اٹھانے والے اٹھا لے گئے خزینۂ زر

میں خوش نصیب ہوں رختِ دعا بچا مرے پاس

کئی سماعتیں خائف ہیں اس لیے مجھ سے

سکوتِ شہر میں سنگِ صدا بچا مرے پاس

اب عشق سے لو لگائیں گے ہم

اب عشق سے لو لگائیں گے ہم 

اب دل کے بھی کام آئیں گے ہم 

جب جھٹپٹا ہو گا شامِ غم کا 

پلکوں پہ دیے جلائیں گے ہم 

ہم بن گئے ہیں ادا تمہاری 

چھیڑو گے تو روٹھ جائیں گے ہم 

شب غم یاد ان کی آ رہی ہے

شبِ غم یاد ان کی آ رہی ہے 

چراغِ دل کی لو تھرا رہی ہے 

بیانِ دوست ناصح کی زباں سے 

طبیعت اور مچلی جا رہی ہے 

کہاں نقشِ کفِ پا ڈھونڈتے ہو 

صدائے پا تو دل سے آ رہی ہے

مرا ہی بن کے وہ بت مجھ سے آشنا نہ ہوا

مِرا ہی بن کے وہ بت مجھ سے آشنا نہ ہوا 

وہ بے نیاز تھا اتنا تو کیوں خدا نہ ہوا 

شکن ہمیشہ جبیں پر رہے تو عادت ہے 

مجھے یقیں ہے وہ مجھ سے کبھی خفا نہ ہوا 

تمام عمر تِری ہمرہی کا شوق رہا 

مگر یہ رنج کہ میں موجۂ صبا نہ ہوا 

عشق جب تک نہ آس پاس رہا

عشق جب تک نہ آس پاس رہا 

حسن تنہا رہا اداس رہا 

اک حسیں واہمہ حسیں دھوکا 

مدتوں مرکز قیاس رہا 

عشق کو اجنبی سمجھ کے ملا 

حسن کتنا ادا شناس رہا 

ربط اسیروں کو ابھی اس گل تر سے کم ہے

ربط اسیروں کو ابھی اس گلِ تر سے کم ہے 

ایک رخنہ سا ہے دیوار میں در سے کم ہے 

حرف کی لو میں ادھر اور بڑھا دیتا ہوں 

آپ بتلائیں تو یہ خواب جدھر سے کم ہے 

ہاتھ دنیا کا بھی ہے دل کی خرابی میں بہت 

پھر بھی اے دوست تِری ایک نظر سے کم ہے 

کسی کے ہاتھ کہاں یہ خزانہ آتا ہے

کسی کے ہاتھ کہاں یہ خزانہ آتا ہے 

مِرے عزیز کو ہر اک بہانہ آتا ہے 

ذرا سا مل کے دکھاؤ کہ ایسے ملتے ہیں 

بہت پتا ہے تمہیں چھوڑ جانا آتا ہے 

زمانے ہو گئے دریا تو کہہ گیا تھا مجھے 

بس ایک موج کو کر کے روانہ آتا ہے 

سفر دیوار گریہ کا

سفر دیوارِ گریہ کا

تمہیں اس شہر سے رخصت ہوئے 

کتنا زمانہ ہو چکا پھر بھی 

ابھی تک میرے کمرے میں 

تمہارے جسم کی خوشبو کا ڈیرا ہے 

بظاہر تو تمہارے بعد ابھی تک میں 

ہر طرف جور و جفا رقص کناں جانیں تو

ہر طرف جور و جفا رقص کناں جانیں تو

انقلاب آئے گا، یہ لوگ ذرا جاگیں تو

میں نہیں رہنے لگا یوں بھی کسی بندش میں

وہ مجھے ملک بدر کر دیں اگر چاہیں تو

بھیج دیں درد کے اولے بھی ہماری جانب

برقِ غم مسکنِ گلفام پہ بھی ڈھائیں تو

بڑے بڑوں نے ترے در کی خاک چھانی ہے

بڑے بڑوں نے تِرے در کی خاک چھانی ہے

اسی پہ ختم خدا جانے حکمرانی ہے

اب ایک خواب کی خاطر جگر کریدے کون

کچھ اک نئی تو نہیں شکل وہ پرانی ہے

بگڑ گئے شرکاء تو مِری ستائش پر

تِرے جلوس میں کیا ذم کی قدردانی ہے

تجھ پہ میں مشتمل نہ تھا پہلے

تجھ پہ میں مشتمل نہ تھا پہلے

مجھ میں تُو منتقل نہ تھا پہلے

امن مفقود بھی نہ تھا یکسر

جور بھی مستقل نہ تھا پہلے

اب غلط کر رہے ہیں رو رو کر

غم تِرا جاں گسل نہ تھا پہلے

سب تقاضے مرے سمجھ لو جی

سب تقاضے مِرے سمجھ لو جی

آدمی ہوں مجھے سمجھ لو جی

غیر سنجیدگی نہیں خصلت

ہم نہیں منچلے، سمجھ لو جی

کارِ دنیا قلیل مہلت میں

سب دھرے کے دھرے سمجھ لو جی

غزل کے رنگ اگر پیرہن سے نکلے ہیں

غزل کے رنگ اگر پیرہن سے نکلے ہیں

تو کیا یہ پھول بھی اس گل بدن سے نکلے ہیں

کلام کرتی نہیں مجھ سے ایک شب آنکھیں

یہ میرے خواب تو میرے سخن سے نکلے ہیں

نجانے کون سے صحرا میں اب ٹھکانہ ہو

بشکلِ خار تو ہم اس چمن سے نکلے ہیں

کسی ثبوت کی اس کو تلاش تھی ہی نہیں

کسی ثبوت کی اس کو تلاش تھی ہی نہیں
میں مر گیا تھا کہیں میری لاش تھی ہی نہیں
یقین کون کرے، آئینے سے نکلا ہوں
کہ میرے چہرے پہ کوئی خراش تھی ہی نہیں
مکانِ زیست کی تعمیر جیسے تیسے ہوئی
کسی بھی لمحے کی کوئی تراش تھی ہی نہیں

ایماں کی نمائش ہے سجدے ہیں کہ افسانے

ایماں کی نمائش ہے سجدے ہیں کہ افسانے 

ہیں چاند جبینوں پر اور ذہن میں بت خانے 

کچھ عقل کے متوالے کچھ عشق کے دیوانے 

پرواز کہاں تک ہے کس کی یہ خدا جانے 

کم ظرف کی نیت کیا پگھلا ہوا لوہا ہے 

بھر بھر کے چھلکتے ہیں اکثر یہی پیمانے 

ہیں لوگ جتنے بھی دیکھنے میں قریب تیرے قریب میرے

ہیں لوگ جتنے بھی دیکھنے میں قریب تیرے قریب میرے

پڑی جو مشکل تو کتنے ہوں سے حبیب تیرے حبیب میرے

ذرا سا لگتے ہیں جب سنورنے، بگاڑ دیتا ہے کون جانے

رہے ہیں حالات زندگی کے عجیب تیرے عجیب میرے

ہزار غم ہیں جدائیوں کے، اداس میں بھی ملول تُو بھی

کسی نے تحریر کیا کئے ہیں نصیب تیرے نصیب میرے

ترے ستم کی زمانہ دہائی دیتا ہے

تِرے ستم کی زمانہ دہائی دیتا ہے 

کبھی یہ شور تجھے بھی سنائی دیتا ہے 

شجر سے ٹوٹنے والے ہر ایک پتے میں 

تِرے بچھڑنے کا منظر دکھائی دیتا ہے 

جو دل میں بات ہو کھلتی نہیں کسی پہ مگر 

کہے جو آنکھ وہ سب کو سنائی دیتا ہے 

یوں ہراساں ہیں مسافر بستیوں کے درمیاں

یوں ہراساں ہیں مسافر بستیوں کے درمیاں 

ہو گئی ہو شام جیسے جنگلوں کے درمیاں 

زندگی سے اب یہی دو چار پل کا ساتھ ہے 

پانیوں سے آ گیا ہوں دلدلوں کے درمیاں 

چار جانب پھیلتے ہی جا رہے ہیں ریگزار 

تشنگی ہی تشنگی ہے خواہشوں کے درمیاں 

چپ چاپ سے اس دشت میں ظلمت کا سماں ہے

چپ چاپ سے اس دشت میں ظلمت کا سماں ہے 

پتھرائی ہوئی آنکھ میں شعلہ بھی کہاں ہے 

سوکھے ہوئے پتوں کو جو روندو تو صدا دیں 

پستے ہوئے انسان کے منہ میں تو زباں ہے 

عظمت کی بلندی پہ میں جس سمت گیا ہوں 

دیکھا ہے تِرے پاؤں کا پہلے ہی نشاں ہے 

کم سے کم اپنا بھرم تو نہیں کھویا ہوتا

کم سے کم اپنا بھرم تو نہیں کھویا ہوتا 

دل کو رونا تھا تو تنہائی میں رویا ہوتا 

صبح سے صبح تلک جاگتے ہی عمر کٹی 

ایک شب ہی سہی بھر نیند تو سویا ہوتا 

ڈھونڈھنا تھا مرے دل کو تو کبھی پلکوں سے 

میرے اشکوں کے سمندر کو بلویا ہوتا 

وقت وقت کی بات ہے

وقت وقت کی بات ہے

وہی ہم تھے کہ اس شہر سکوں میں 

رت جگوں کی دھوم تھی ہم سے 

وہی ہم ہیں کہ شہر بے اماں کی بھیڑ میں 

خود اپنی تنہائی پہ حیراں ہیں 

ہمارا جبر مجبوری 

سواد عشق نبی کیا کمال ہوتا ہے

عارفانہ کلام حمد نعت مقبت

سوادِ عشق نبیﷺ کیا کمال ہوتا ہے

دیارِ روح میں حسن و جمال ہوتا ہے

جو اس چراغ کا پروانہ بن کے رہ جائے

اسے نہ کھال نہ جاں کا خیال ہوتا ہے

سخاوتوں کے خزانے نثار ہوتے ہیں

عقیدتوں کا سفر لازوال ہوتا ہے

تیرا ذکر صبح کا نور ہے تیری یاد رات کی چاندنی

عارفانہ کلام حمد نعت مقبت

تیرا ذکر صبح کا نور ہے تیری یاد رات کی چاندنی

تیری نعت اے شہِﷺ دو سرا دل بے قرار کی راگنی

مجھے تیری یاد سے واسطہ تیرا پیار ہے میرا راستہ

تیرا نام میری اساس ہے تیرا تذکرہ مِری بندگی

میں تو داس ہوں تیرے نام کا میں غلام تیرے غلام کا

مِری بات بات کا حسن تو میرا ناز ہے تیری شاعری

مناؤ خوشیاں زمین والو فلک سے خیر الانام آیا

عارفانہ کلام حمد نعت مقبت

فضا میں خوشبو بکھر گئی ہے لبوں پہ میرے سلام آیا

مناؤ خوشیاں زمین والو! فلک سے خیر الانامﷺ آیا

تمام راہیں ہوئیں وہ روشن جہاں بسیرے تھے تیرگی کے

جھکے ہیں کیا کیا اٹھے ہوئے سر یہ کون ذی احترام آیا

جو بزم ہو شاہِ دوسرا کی وہاں ادب کا لحاظ رکھنا

بلند اپنی صدا نہ کرنا کلامِ حق میں پیام آیا

ظہورِ مصطفیٰ سے ہو گئے دونوں جہاں روشن

عارفانہ کلام حمد نعت مقبت

زمیں و آسماں روشن مکان و لا مکاں روشن

ظہورِ مصطفیٰﷺ سے ہو گئے دونوں جہاں روشن

گئی جن راستوں سے تھی سواری کملی والے کی

انہی رستوں کا اب تک ہے غبار کارواں روشن

نصیبوں پر میں اپنے ناز جتنا بھی کروں کم ہے

ہر اک سینے میں ہوتا ہے تمہارا غم، کہاں روشن

وہ جس کے لیے محفل کونین سجی ہے

نعت رسول مقبولﷺ

وہ جس کے لیے محفل کونین سجی ہے

فردوس بریں جس کے وسیلے سے بنی ہے

وہ ہاشمی مکی مدنی العربی ہے

وہ میرا نبی میرا نبی میرا نبیﷺ ہے

احمدؐ ہے محمدؐ ہے وہی ختمِ رُسل ہے

مخدوم و مربّی ہے وہی والئ کل ہے

کچھ دے اسے رخصت کر کیوں آنکھ جھکا لی ہے

کچھ دے اسے رخصت کر کیوں آنکھ جھکا لی ہے 

ہاں در پہ تِرے مولا! انشاؔ بھی سوالی ہے 

اس بات پہ کیوں اس کی اتنا بھی حجاب آئے 

فریاد سے بے بہرہ کشکول سے خالی ہے 

شاعر ہے تو ادنیٰ ہے، عاشق ہے تو رسوا ہے 

کس بات میں اچھا ہے کس وصف میں عالی ہے 

دل اک کٹیا دشت کنارے

دل اک کٹیا دشت کنارے

دنیا بھر سے دور یہ نگری
نگری دنیا بھر سے نرالی
اندر ارمانوں کا میلہ
باہر سے دیکھو تو خالی
ہم ہیں اس کٹیا کے جوگی
ہم ہیں اس نگری کے والی

یہ سرائے ہے یہاں کس کا ٹھکانا ڈھونڈو

یہ سرائے ہے یہاں کس کا ٹھکانا ڈھونڈو 

یاں تو آتے ہیں مسافر سو چلے جاتے ہیں 

ہاں یہی نام تھا کچھ ایسا ہی چہرا مہرا 

یاد پڑتا ہے کہ آیا تھا مسافر کوئی 

سونے آنگن میں پھرا کرتا تھا تنہا تنہا 

کتنی گہری تھی نگاہوں کی اداسی اس کی 

دل آشوب

دل آشوب

یوں کہنے کو راہیں ملک وفا کی اجال گیا 

اک دھند ملی جس راہ میں پیک خیال گیا 

پھر چاند ہمیں کسی رات کی گود میں ڈال گیا

ہم شہر میں ٹھہریں، ایسا تو جی کا روگ نہیں 

اور بن بھی ہیں سونے ان میں بھی ہم سے لوگ نہیں 

اور کوچے کو تیرے لوٹنے کا تو سوال گیا 

سیل رواں میں بہہ گئے اور یہ آخرش ہوا

سیلِ رواں میں بہہ گئے اور یہ آخرش ہوا

اس نے مجھے بھلا دیا، میں نے اسے بھلا دیا

جاز کی نیلگوں سی دُھن، سوزِ دروں میں مطربہ

گیت کے بول بھی حزیں، شامِ فراق غم فزا

کرتی رہی تھی تیری یاد میرے خیال کی نمو

حرف بہ حرف، شعر شعر، تیرے ہی رنگ میں ڈھلا

جس کی طرف تھا گامزن دشت کا اک سراب تھا

جس کی طرف تھا گامزن، دشت کا اک سراب تھا

مجھ کو شعور تھا مگر، میرا یہی عذاب تھا

فون کی آس رات بھر، صبح ہوا یہ آشکار

تار بِتار قلب تھا، تار مِرا خراب تھا

قوسِ قزح میں عکس تھا، عکس میں یاد تھی کوئی

خواب میں اِک خیال تھا، اور خیال خواب تھا

دل نے ہم سے عجب ہی کام لیا

دل نے ہم سے عجب ہی کام لیا 

ہم کو بیچا،۔ مگر نہ دام لیا 

دل سے آخر چراغِ وصل بجھا 

کیا تمنا نے انتقام لیا؟ 

پھر کبھی وہ نہ آئی ہم کو نظر 

جس پری رُو کا ہم نے نام لیا 

فن تو آتا مجھے قرینے کا

نعتِ رسولِ مقبولﷺ

فن تو آتا مجھے قرینے کا

کاش ہوتا گدا مدینے کا

کون خوشبو مقابلہ کرتی

آپؐ کے بوند بھر پسینے کا

تر پڑے گا حدیث پڑھ لے تو

ڈوبتا ناخدا سفینے کا

مسلکوں کو مٹا دیا میں نے

مسلکوں کو مٹا دیا میں نے

کر دیا سب کو ایک سا میں نے

موت سے کھیل کر یہ اپنی جان

آپ کے نام کی بجا میں نے

اب گورا کِیا ہے مدت بعد

نام لینا نہ آپ کا میں نے

صبح تلک مر مر کے جیا تھا

صبح تلک مر مر کے جیا تھا

جلنے والا ایک دِیا تھا

یاد رہے اس پہلی ہاں کا

ذرا نہ تم نے پاس کیا تھا

آنکھوں نے وہ روئے مبارک

تکتے سمے ہی چوم لیا تھا

زرد پتوں کو درختوں سے جدا ہونا ہی تھا

زرد پتوں کو درختوں سے جدا ہونا ہی تھا 

ہم کہ دریا ہیں سمندر کی غذا ہونا ہی تھا 

اور کب تک بے ثمر رکھتی خزاں پیڑوں کے ہاتھ 

رُت بدل جانا تھی یہ، جنگل ہرا ہونا ہی تھا 

روکنے سے کب ہوا کے نرم جھونکے رک سکے 

بند دروازوں کو اک دن نیم وا ہونا ہی تھا 

اے مہ ہجر کیا کہیں کیسی تھکن سفر میں تھی

اے مہِ ہجر کیا کہیں، کیسی تھکن سفر میں تھی 

روپ جو رہگزر میں تھے دھوپ جو رہگزر میں تھی 

لفظ کی شکل پر نہ جا، لفظ کے رنگ بھی سمجھ 

ایک خبر پسِ خبر آج کی ہر خبر میں تھی 

رات فصیلِ شہر میں ایک شگاف کیا ملا 

خون کی اک لکیر سی صبح نظر نظر میں تھی 

ناؤ خستہ بھی نہ تھی موج میں دریا بھی نہ تھا

ناؤ خستہ بھی نہ تھی موج میں دریا بھی نہ تھا 

پار اترتا تھا مگر تجھ پہ بھروسہ بھی نہ تھا 

زندگی ہاتھ نہ دے پائی مرے ہاتھوں میں 

ساتھ جانا بھی نہ تھا ہاتھ چھڑانا بھی نہ تھا 

جن پہ اک عمر چلا تھا انہی رستوں پہ کہیں 

واپس آیا تو مرا نقش کف پا بھی نہ تھا 

تھکن سے چور بدن دھول میں اٹا سر تھا

تھکن سے چور بدن دھول میں اٹا سر تھا 

میں جب گرا تو مرے سامنے مرا گھر تھا 

تہی ثمر شجر خواب کچھ نڈھال سے تھے 

زمیں پہ سوکھی ہوئی پتیوں کا بستر تھا 

اسی کی آب تھی اس شب میں روشنی کی لکیر 

وہ ایک شخص کہ جو کانچ سے بھی کمتر تھا 

بات جو بھلی نہیں میں نے وہ کہی نہیں

بات جو بھلی نہیں

میں نے وہ کہی نہیں

اِک فریبِ زیست ہے

اور زندگی نہیں

آدمی کے دیس میں

کوئی آدمی نہیں

شکر ہے شیخ سے نہ کام رہا

شکر ہے شیخ سے نہ کام رہا

ان سے بس دور کا سلام رہا

جس پہ خود تھا صلیب کا سایہ

وہ مسیحائے خاص و عام رہا

میرے بس میں تھی جو بھی تبدیلی

اس میں کوشاں میں صبح و شام رہا

ڈھلا ہے حبس کا موسم ذرا تو

ڈھلا ہے حبس کا موسم ذرا تو

چلی ہے صبح سے کچھ کچھ ہوا تو

نشاں چھوڑا ہے اپنے در پہ میں نے 

دوبارہ لوٹنا مجھ کو پڑا تو

کہا میں نے کہ کل میں جا رہا ہوں

تامّل کے بغیر اس نے کہا، "تو" ؟

کچھ ایرے ہیں کچھ غیرے ہیں

کچھ ایرے ہیں، کچھ غیرے ہیں

کچھ نتھو ہیں، کچھ خیرے ہیں

کچھ جھوٹے ہیں، کچھ سچے ہیں

کچھ بڈھے ہیں، کچھ بچے ہیں

کچھ ململ ہیں، کچھ لٹھے ہیں

کچھ چیمے ہیں، کچھ چٹھے ہیں

دعائے نیم شبی

دعائے نِیم شبی

زورِ بیان و قوتِ اظہار چھین لے

مجھ سے مِرے خدا! مِرِے افکار چھین لے

کچھ بجلیاں اتار، قضا کے لباس میں

تاج و کُلاہ و جبّہ و دستار چھین لے

عِفت کے تاجروں کی دکانوں کوغرق کر

نظارہ ہائے گیسو و رخسار چھین لے

شکریہ؛ سوچتا ہوں کہ اسی قوم کے وارث ہم ہیں​

عارفانہ کلام منقبت سلام مرثیہ

شکریہ

سوچتا ہوں کہ اسی قوم کے وارث ہم ہیں​

جس نے اولاد پیمبر کا تماشا دیکھا​

جس نے سادات کے خیموں کی طنابیں توڑیں​

جس نے لختِ دل حیدر کو تڑپتا دیکھا​

برسرِ عام سکینہ کی نقابیں الٹیں​

لشکرِ حیدر کرار کو لٹتا دیکھا​

جفا پہ شکر کا امیدوار کیوں آیا

جفا پہ شکر کا امیدوار کیوں آیا 

مِری وفا کا اسے اعتبار کیوں آیا 

یہ دل کی بات ہی منہ سے ادا نہیں ہوتی 

میں کیا کہوں کہ یہاں بار بار کیوں آیا 

خیالِ پرسشِ محشر سے وہ ہوا مغموم 

نظر کے سامنے میرا مزار کیوں آیا 

لب چپ ہیں تو کیا دل گلہ پرداز نہیں ہے

لب چپ ہیں تو کیا دل گلہ پرداز نہیں ہے 

سب کچھ ہے خموشی میں اک آواز نہیں ہے 

کتنا ہی وہ جھڑکیں میں کہے جاتا ہوں اپنی 

غیرت مِری اب کچھ خلل انداز نہیں ہے 

پہونچوں گا ضرور آج میں اس شوخ کے گھر میں 

دیوار تو نیچی ہے جو در باز نہیں ہے 

فریاد اور تجھ کو ستم گر کہے بغیر

فریاد اور تجھ کو ستم گر کہے بغیر 

مانوں نہ حشر میں تِرے منہ پر کہے بغیر 

دیکھو یہ رنگ رخ کا شگوفہ کہ میرا عشق 

ظاہر ہوا ہے کہنے سے بڑھ کر کہے بغیر 

منہ دیکھتا ہی رہ گیا کہنے کو جب گیا 

پلٹا میں حالت دل مضطر کہے بغیر 

کبھی نغمہ غم آرزو کبھی زندگی کی پکار ہم

کبھی نغمۂ غمِ آرزو کبھی زندگی کی پکار ہم 

کبھی خاک کوچۂ یار ہم کبھی شہریارِ بہار ہم

کبھی چل پڑے تِری راہ میں تو حدِ جنوں سے گزر گئے 

تِرے انتظار میں ہو گئے کبھی نقش رہگزار ہم

ہمیں کشتگان حیات سے ہیں جنون عشق کی عظمتیں 

کبھی ہنس پڑے تہِ تیغ ہم کبھی جھوم اٹھے سرِ دار ہم

کہاں سے آ گیا کہاں یہ شام بھی کہاں ہوئی

کہاں سے آ گیا کہاں، یہ شام بھی کہاں ہوئی 

نہ ہم نفس نہ ہم زباں، یہ شام بھی کہاں ہوئی 

بجھی نظر، بجھے قدم، نہ راہبر، نہ ہمسفر 

نہ رہگزر نہ کارواں، یہ شام بھی کہاں ہوئی 

نہ شمعِ دل نہ شمعِ رُخ، نجومِ شب نہ ماہِ شب 

نگاہ و دل دھواں دھواں، یہ شام بھی کہاں ہوئی 

طلسم خواب میں خوف بلا سے کچھ نہیں ہو گا

طلسم خواب میں خوفِ بلا سے کچھ نہیں ہو گا
سزا سے اور فقط میری سزا سے کچھ نہیں ہو گا
تم اپنے گھر کے دروازے ہمیشہ بند ہی رکھنا
ہوا جیسی بھی ہو پیارے ہوا سے کچھ نہیں ہو گا
کوئی بھی بات ہو کیسی بھی ہو وہ کچھ نہیں ہوتی
ہمارے شہر میں اونچی صدا سے کچھ نہیں ہو گا

اگر تم بیچنا چاہو ادائیں بھی وفائیں بھی

اگر تم بیچنا چاہو 

ادائیں بھی وفائیں بھی 

حسیں خوابوں کے رنگوں کی ردائیں بھی 

یہ دنیا ہے 

یہاں آواز بکتی ہے 

یہاں تصویر بکتی ہے 

تجھے اس لیے نکالا

تجھے اس لیے نکالا

تُو پوچھتا ہے تجھے ایسے کیوں نکالا گیا

تمہارا جرم فضاؤں میں کیوں اچھالا گیا

تِرا غرور عدالت میں کیسے ٹالا گیا

تمہارے جھوٹ کے سینے میں کس کا بھالا گیا

بتا دوں تجھ کو درندے تمہارے دانتوں سے

مِرے غریب کسانوں کا خوں ٹپکتا ہے

جہاں ہم ہیں

جہاں ہم ہیں

جہاں ہم ہیں

یہاں تو اعتراف درد بھی اک مسئلہ ٹھہرا

محبت کی سزاواری پشیمانی بنی

جور و ستم کی ہمقدم ہو کے

دلِ پامال کے اجڑے ہوئے رستوں پہ ایسے دندناتی ہے

گر دعا بھی کوئی چیز ہے تو دعا کے حوالے کیا

گر دعا بھی کوئی چیز ہے تو دعا کے حوالے کیا 

جا تجھے آج سے ہم نے اپنے خدا کے حوالے کیا 

ایک مدت ہوئی ہم نے دنیا کی ہر ایک ضد چھوڑ دی 

ایک مدت ہوئی ہم نے دل کو وفا کے حوالے کیا 

اس طرح ہم نے تیری محبت زمانے کے ہاتھوں میں دی 

جس طرح گل نے خوشبو کو باد صبا کے حوالے کیا 

آنکھ سے بچھڑے کاجل کو تحریر بنانے والے

آنکھ سے بچھڑے کاجل کو تحریر بنانے والے 

مشکل میں پڑ جائیں گے تصویر بنانے والے 

یہ دیوانہ پن تو رہے گا دشت کے ساتھ سفر میں 

سائے میں سو جائیں گے زنجیر بنانے والے 

اس نے تو دیکھے اندیکھے خواب سبھی لوٹائے 

اور تھے شاید ٹوٹی ہوئی تعبیر بنانے والے 

بن میں ویراں تھی نظر شہر میں دل روتا ہے

بن میں ویراں تھی نظر شہر میں دل روتا ہے 

زندگی سے یہ مِرا دوسرا سمجھوتا ہے 

لہلہاتے ہوئے خوابوں سے مِری آنکھوں تک 

رت جگے کاشت نہ کر لے تو وہ کب سوتا ہے 

جس کو اس فصل میں ہونا ہے برابر کا شریک 

میرے احساس میں تنہائیاں کیوں بوتا ہے 

کہیں لوگ تنہا کہیں گھر اکیلے

کہیں لوگ تنہا کہیں گھر اکیلے 

کہاں تک میں دیکھوں یہ منظر اکیلے 

گلی میں ہواؤں کی سرگوشیاں ہیں 

گھروں میں مگر سب صنوبر اکیلے 

نمائش ہزاروں نگاہوں نے دیکھی 

مگر پھول پہلے سے بڑھ کر اکیلے 

یاد اشکوں میں بہا دی ہم نے

یاد اشکوں میں بہا دی ہم نے 

آ، کہ ہر بات بھلا دی ہم نے 

گلشن دل سے گزرنے کے لیے 

غم کو رفتارِ صبا دی ہم نے 

اب اسی آگ میں جلتے ہیں جسے 

اپنے دامن سے ہوا دی ہم نے 

چاندنی نے رات کا موسم جواں جیسے کیا

چاندنی نے رات کا موسم جواں جیسے کیا 

ہم نے بھی چہرہ فروزاں شیشۂ مے سے کیا 

پاسِ خودداری تو ہے لیکن وفا دشمن نہیں 

تم  نے ہم پر ترکِ الفت کا گماں کیسے کیا 

ہم گناہوں کی شریعت سے ہوئے جب آشنا 

جسم نے جو فیصلہ جیسے دیا، ویسے کیا 

دیکھے کوئی جو چاک گریباں کے پار بھی

دیکھے کوئی جو چاک گریباں کے پار بھی 

آئینۂ خزاں میں ہے عکس بہار بھی 

اب ہر نفس ہے بھیگی صداؤں کی اک فصیل 

موجِ ہوس تھی گردشِ لیل و نہار بھی 

کیا شورشِ جنوں ہے، ذرا کم نہیں ہوا 

قربت کے باوجود تِرا انتظار بھی 

کیا عدو کیا دوست سب کو بھا گئیں رسوائیاں

کیا عدو کیا دوست سب کو بھا گئیں رسوائیاں 

کون آ کر ناپتا احساس کی پہنائیاں 

اب کسی موسم کی بے رحمی کا کوئی غم نہیں 

ہم نے آنکھوں میں سجائی ہیں تِری انگڑائیاں 

آپ کیا آئے بہاروں کے دریچے کھل گئے 

خوشبوؤں میں بس گئیں ترسی ہوئی تنہائیاں 

دھیان کا جب بھی کوئی پٹ کھولا

آورد

دھیان کا جب بھی کوئی پٹ کھولا

"میری بات نہ کہہ" دل بولا

دل کی بات کہی بھی نہ جائے 

ضبط کی ٹیس سہی بھی نہ جائے 

نظم میں کس کا ذکر کروں اب

فکر میں ہوں کیا فکر کروں اب

جو تم کرو گے وہ ہم کریں گے

جو تم کرو گے وہ ہم کریں گے

(انقلابی شاعری)

ستم کرو  گے ستم کریں گے

کرم کرو گے کرم کریں گے

ہم آدمی ہیں تمھارے جیسے

جو تم کرو گے وہ ہم کریں گے

شہر آشوب اپنی بود و باش نہ پوچھو

شہر آشوب

اپنی بود و باش نہ پوچھو

ہم سب بے توقیر ہوئے 

کون گریباں چاک نہیں ہے 

ہم ہوئے، تم ہوئے، میرؔ ہوئے

سہمی سہمی دیواروں میں

سایوں جیسے رہتے ہیں

اس گھر میں آسیب بسا ہے 

رفوگر دھیان سے یہ زخم خنجر کے نہیں

رفوگر

رفوگر

دھیان سے

یہ زخم خنجر کے نہیں 

ادھڑے ہوئے وعدوں کی رسوائی کے ہیں 

انہیں چھونا نہیں 

اِن کی تہوں میں جھانک کر

کچھ تو ٹھہرے ہوئے دریا میں روانی کریں ہم

کچھ تو ٹھہرے ہوئے دریا میں روانی کریں ہم 

آؤ دنیا کی حقیقت کو کہانی کریں ہم 

اپنے موجود میں ملتے ہی نہیں ہیں ہم لوگ 

جو ہے معدوم اسے اپنی نشانی کریں ہم 

پہلے اک یار بنائیں کوئی اس کے جیسا 

اور پھر ایجاد کوئی دشمن جانی کریں ہم 

مرے ٹھہراؤ کو کچھ اور بھی وسعت دی جائے

مِرے ٹھہراؤ کو کچھ اور بھی وسعت دی جائے 

اب مجھے خود سے نکلنے کی اجازت دی جائے 

موت سے مل لیں کسی گوشۂ تنہائی میں 

زندگی سے جو کسی دن ہمیں فرصت دی جائے 

بے خد و خال سا اک چہرہ لیے پھرتا ہوں 

چاہتا ہوں کہ مجھے شکل و شباہت دی جائے 

جس انجمن میں دیکھو بیگانے رہ گئے ہیں

جس انجمن میں دیکھو بیگانے رہ گئے ہیں 

گنتی کے لوگ جانے پہچانے رہ گئے ہیں 

کل جن حقیقتوں سے ماحول معتبر تھا 

آج ان حقیقتوں کے افسانے رہ گئے ہیں 

اب غارت چمن میں کیا رہ گیا ہے باقی 

کچھ پیرہن دریدہ دیوانے رہ گئے ہیں 

اب اسے کیا کرے کوئی آنکھوں میں روشنی نہیں

اب اسے کیا کرے کوئی آنکھوں میں روشنی نہیں 

شہر بھی اجنبی نہیں، لوگ بھی اجنبی نہیں 

ہم نے یہ سوچ کر کبھی جرأتِ عرض کی نہیں 

شکوہ بصد خلوص بھی شیوۂ دوستی نہیں 

یوں تو بڑے خلوص سے لوگ ہوئے ہیں ہمسفر 

راہ میں ساتھ چھوڑ دیں ان سے بعید بھی نہیں 

سب سمجھتے ہیں کہ ہم کس کارواں کے لوگ ہیں

سب سمجھتے ہیں کہ ہم کس کارواں کے لوگ ہیں 

پھر بھی پوچھا جا رہا ہے، ہم کہاں کے لوگ ہیں 

ملتِ بیضا نے یہ سیکھا ہے صد ہا سال میں 

یہ یہاں کے لوگ ہیں اور وہ وہاں کے لوگ ہیں 

خالی پیمانے لیے بیٹھے ہیں رندانِ کرام 

مے کدہ ان کا ہے جو پیرِ مغاں کے لوگ ہیں 

نقش ماضی کے جو باقی ہیں مٹا مت دینا

نقش ماضی کے جو باقی ہیں مٹا مت دینا 

یہ بزرگوں کی امانت ہے گنوا مت دینا 

وہ جو رزاقِ حقیقی ہے، اسی سے مانگو 

رزق برحق ہے کہیں اور صدا مت دینا 

بھیک مانگو بھی تو بچوں سے چھپا کر مانگو 

تم بھکاری ہو کہیں ان کو بتا مت دینا 

ہر کوئی اس کا خریدار ہوا چاہتا ہے

ہر کوئی اس کا خریدار ہُوا چاہتا ہے 

گرم پھر حسن کا بازار ہوا چاہتا ہے 

دیکھ لینا غم معشوق میں کڑھتے کڑھتے 

کچھ نہ کچھ اب مجھے آزار ہوا چاہتا ہے 

آنکھ للچائی ہوئی پڑتی ہے جس پر میری 

عشق اس پر مرا اظہار ہوا چاہتا ہے 

مرتے دم او بے وفا دیکھا تجھے

مرتے دم او بے وفا! دیکھا تجھے 

اک نظر دیکھا تو کیا دیکھا تجھے 

اے پری رو! کیوں نہ میں دیوانہ ہوں 

بال کھولے بارہا دیکھا تجھے 

نکہت گل بھی نہ لائی تا قفس 

چل ہوا ہو اے صبا دیکھا تجھے 

کس طرح نالہ کرے بلبل چمن کی یاد میں

کس طرح نالہ کرے بلبل چمن کی یاد میں 

گھس گئی اس کی زباں تو شکوۂ صیاد میں 

داد خواہوں کی اگر پرسش ہوئی روز جزا 

سب سے پہلے آئیں گے ہم عرصۂ فریاد میں 

کیا لپٹ جائیں تِرا قامت سمجھ کر اس کو ہم 

یہ نزاکت یہ صباحت ہے کہاں شمشاد میں 

مرے ریاض کا آخر اثر دکھائی دیا

مِرے ریاض کا آخر اثر دکھائی دیا 

چھپا تھا دل میں جو نغمہ مجھے سنائی دیا 

جہاں شناس و خود آگاہ کر دیا مجھ کو 

مِرے شعور نے وہ درد آشنائی دیا 

جو پا لیا تجھے میں خود کو ڈھونڈنے نکلا 

تمہارے قرب نے بھی زخم نارسائی دیا 

جو جنوں اختیار کرتے ہیں

جو جنوں اختیار کرتے ہیں

ہر ستم گر پہ وار کرتے ہیں

یہ نئی رُت کی آمد آمد ہے

پتے رقص بہار کرتے ہیں

سیڑھیوں میں رکا ہوا ہوں میں

چھت پہ دو پنچھی پیار کرتے ہیں

اگر انکھیوں سیں انکھیوں کو ملاؤ گے تو کیا ہو گا

اگر انکھیوں سیں انکھیوں کو ملاؤ گے تو کیا ہو گا 

نظر کر لطف کی ہم کوں جلاؤ گے تو کیا ہو گا 

تمہارے لب کی سرخی لعل کی مانند اصلی ہے 

اگر تم پان اے پیارے نہ کھاؤ گے تو کیا ہو گا 

محبت سیں کہتا ہوں طور بد نامی کا بہتر نہیں 

اگر خندوں کی صحبت میں نہ جاؤ گے تو کیا ہو گا 

خدا کے واسطے اے یار ہم سیں آ مل جا

خدا کے واسطے اے یار! ہم سیں آ مل جا 

دلوں کی کھول گھنڈی غنچے کی طرح کھل جا 

جگر میں چشم کے ہوتیاں ہیں داغ تب پتلیاں 

نظر سیں اوٹ تِرا گال جب کہ اک تِل جا 

جنوں کے جام کوں لے شیشۂ شراب کو توڑ 

خرد گلی سیں پری پیکراں کی بیدل جا 

نالاں ہوا ہے جل کر سینے میں من ہمارا

نالاں ہوا ہے جل کر سینے میں من ہمارا 

پنجرے میں بولتا ہے گرم آج اگن ہمارا 

پیری کمان کی جوں مانع نہیں اکڑ کوں 

ہے ضعف بیچ دونا اب بانکپن ہمارا 

چلتا ہے جیو جس پر جاتے ہیں اسکے پیچھے 

سودے میں عشق کے ہے اب یہ چلن ہمارا 

اور واعظ کے ساتھ مل لے شیخ

اور واعظ کے ساتھ مل لے شیخ 

کھول آپس کے بیچ کلے شیخ 

تیر سا قد کمان کر اپنا 

کھینچ فاقوں کے بیچ چلے شیخ 

چھوڑ تسبیح ہزار دانوں کی 

ہاتھ میں اپنے ایک دل لے شیخ 

نمود و بود کو عاقل حباب سمجھے ہیں

نمود و بود کو عاقل حباب سمجھے ہیں 

وہ جاگتے ہیں جو دنیا کو خواب سمجھے ہیں

کبھی برا نہیں جانا کسی کو اپنے سوا 

ہر ایک ذرے کو ہم آفتاب سمجھے ہیں

عجب نہیں ہے جو شیشوں میں بھر کے لے جائیں 

ان آنسوؤں کو فرشتے گلاب سمجھے ہیں

خود نوید زندگی لائی قضا میرے لئے

خود نوید زندگی لائی قضا میرے لیے 

شمع کشتہ ہوں فنا میں ہے بقا میرے لیے 

زندگی میں تو نہ اک دم خوش کیا ہنس بول کر 

آج کیوں روتے ہیں میرے آشنا میرے لیے 

کنجِ عزلت میں مثال آسیا ہوں گوشہ گیر 

رزق پہنچاتا ہے گھر بیٹھے خدا میرے لیے 

مرا راز دل آشکارا نہیں

مِرا رازِ دل آشکارا نہیں 

وہ دریا ہوں جس کا کنارا نہیں 

وہ گل ہوں جدا سب سے ہے جس کا رنگ 

وہ بو ہوں کہ جو آشکارا نہیں 

وہ پانی ہوں شیریں نہیں جس میں شور 

وہ آتش ہوں جس میں شرارا نہیں 

تم گل تھے ہم نکھار ابھی کل کی بات ہے

تم گل تھے ہم نکھار، ابھی کل کی بات ہے

ہم سے تھی سب بہار، ابھی کل کی بات ہے

بے گانہ سمجھو، غیر کہو، اجنبی کہو

اپنوں میں تھا شمار، ابھی کل کی بات ہے

آج اپنے پاس سے ہمیں رکھتے ہو دُور دُور

ہم بِن نہ تھا قرار، ابھی کل کی بات ہے

کیا غم ہے اگر شکوہ غم عام ہے پیارے

کیا غم ہے اگر شکوۂ غم عام ہے پیارے

تو دل کو دُکھا، تیرا یہی کام ہے پیارے

تیرے ہی تبسم کا سحر نام ہے پیارے

تو کھول دے گیسو تو بھری شام ہے پیارے

جب پیار کیا، چین سے کیا کام ہے پیارے

اس میں تو تڑپنے ہی میں آرام ہے پیارے

نگاہ یار ہم سے آج بے تقصیر پھرتی ہے

نگاہِ یار ہم سے آج بے تقصیر پھرتی ہے 

کسی کی کچھ نہیں چلتی ہے جب تقدیر پھرتی ہے 

مرقع ہے مِری آنکھوں میں کیا یارانِ رفتہ کا 

جو نظروں کے تلے ہر ایک کی تصویر پھرتی ہے 

تِرا دیوانہ جب سے اٹھ گیا صحرائے وحشت سے 

بگولے کی طرح سے ڈھونڈھتی زنجیر پھرتی ہے 

وہ میرا درد دل کیا جانتے ہیں

وہ میرا درد دل کیا جانتے ہیں 

تڑپنے کو تماشا جانتے ہیں 

بہار گل ہے خار آنکھوں میں تجھ بن 

چمن کو ہم تو صحرا جانتے ہیں 

کہیں کیا حال دل اپنا بتوں سے 

جو ہے دل میں تمنا جانتے ہیں 

نہ پوچھ ہجر میں جو کچھ ہوا ہمارا حال

نہ پوچھ ہجر میں جو کچھ ہوا ہمارا حال 

جسے نہ عشق ہو وہ جانے کیا ہمارا حال 

یقین ہے کہ کہیں گے وہ ہم صفیروں سے 

قفس میں دیکھ گئی ہے صبا ہمارا حال 

عجب ہے اس کا جو اب تک نہیں سنا اس نے 

فسانۂ سر بازار تھا ہمارا حال 

حزیں تم اپنی کبھی وضع بھی سنوارو گے

حزیں تم اپنی کبھی وضع بھی سنوارو گے 

قمیص خود ہی گرے گی تو پھر اتارو گے

خلا نوردو! بہت ذرے انتظار میں ہیں 

جہاز کون سا پاتال میں اتارو گے

اتر کے نیچے کبھی میرے ساتھ بھی تو چلو 

بلند کھڑکیوں سے کب تلک پکارو گے

عمر بھر بہتے ہیں غم کے تند رو دھاروں کے ساتھ

عمر بھر بہتے ہیں غم کے تند رو دھاروں کے ساتھ 

جانے کیوں ہوتے ہیں اتنے ظلم فنکاروں کے ساتھ 

ابر کی صورت برستے ہیں بلند و پست پر 

ہم نہیں آنسو بہاتے لگ کے دیواروں کے ساتھ 

ذہن کے پردے پہ رقصندہ ہیں پیاسی صورتیں 

ہم نشے میں کیسے بہہ سکتے ہیں میخواروں کے ساتھ 

درد کے سیپ میں پیدا ہوئی بیداری سی

درد کے سیپ میں پیدا ہوئی بیداری سی 

رات کی راکھ میں سلگی کوئی چنگاری سی 

دیکھیے شہر میں کب باد یقیں چلتی ہے 

کو بہ کو پھیلی ہے اوہام کی بیماری سی 

موت کا وار تو میں سہہ گیا ہنستے ہنستے 

زندگی تُو ہی کوئی چوٹ لگا کاری سی 

میری جان لینے والے ترا دم نکل نہ جائے

میری جان لینے والے تِرا دم نکل نہ جائے

میرا عشق تو جواں ہے تِرا حسن ڈھل نہ جائے

مِرے حال پر کرم کر مِری زندگی کے داتا

تِرا نام لیتے لیتے مِرا دم نکل نہ جائے

نہیں خوف بجلیوں کا مجھے ڈر جو ہے تو یہ ہے

سرِ بزم بے ارادہ مِرا دل مچل نہ جائے

ساغر نہیں شراب نہیں یا گھٹا نہیں

ساغر نہیں، شراب نہیں، یا گھٹا نہیں

ان کی سیاہ زلف کے سائے میں کیا نہیں

ہمدم نہیں، عزیز نہیں، آشنا نہیں

تیرے سوا کوئی بھی مِرا آسرا نہیں

تاکید کر رہے ہیں وہ اپنی نگاہ سے

یہ ان کا خاص رنگ ہے حسنِ ادا نہیں

حیات کھینچ کے لے آئی ہے کہاں مجھ کو

حیات کھینچ کے لے آئی ہے کہاں مجھ کو

سنا رہا ہے وہ میری ہی داستاں مجھ کو

توجہ دی نہ کبھی اس کی بات پر میں نے

بنانا چاہا کئی بار راز داں مجھ کو

کسی کی شکل کسی کو نظر نہیں آتی

تمام شہر لگے ہے دھواں دھواں مجھ کو

چشم ظاہر سے رخ یار کا پردہ دیکھا

چشمِ ظاہر سے رخِ یار کا پردہ دیکھا 

آنکھیں جب پھوٹ گئیں تب یہ تماشا دیکھا 

دیکھنا یہ ہے کہ ہم نے تمہیں کیسا چاہا 

پوچھنا یہ ہے کہ تم نے ہمیں کیسا دیکھا 

پھر جلاؤ گے کبھی طالبِ دیدار کا خط 

سیکڑوں آنکھوں سے اس نے تمہیں دیکھا دیکھا

چھپ گیا یار خود نما ہو کر

چھپ گیا یار خود نما ہو کر 

رہ گئی چشمِ شوق وا ہو کر 

بیقراروں سے ان کو شرم آئی 

شوخیاں رہ گئیں حیا ہو کر 

کیا کہوں کیا ہے میرے دل کی خوشی 

تم چلے جاؤ گے خفا ہو کر 

کچھ حسینوں کی محبت بھی بری ہوتی ہے

کچھ حسینوں کی محبت بھی بری ہوتی ہے 

کچھ یہ بے چپن طبیعت بھی بری ہوتی ہے 

جیتے جی میرے نہ آئے تو نہ آئے، اب آؤ 

کیا شہیدوں کی زیارت بھی بری ہوتی ہے 

آپ کی ضد نے مجھے اور پلائی حضرت 

شیخ جی! اتنی نصیحت بھی بری ہوتی ہے 

مرے مرنے سے تم کو فکر اے دلدار کیسی ہے

مِرے مرنے سے تم کو فکر اے دلدار کیسی ہے 

تمہاری دل لگی کو محفلِ اغیار کیسی ہے 

ہمارے گھر سے جانا مسکرا کر پھر یہ فرمانا 

تمہیں میری قسم دیکھو مِری رفتار کیسی ہے 

وہ مجھ سے پوچھتے ہیں غیر سے اور تم سے کیوں بگڑی 

ذرا ہم بھی سنیں آپس میں یہ تکرار کیسی ہے 

اترنے والی دکھوں کی برات سے پہلے

اترنے والی دکھوں کی برات سے پہلے
چراغ بانٹ دو بستی میں رات سے پہلے
یوں ہی ملے گا نہ آب حیات کا چشمہ
گزرنا ہوگا لہو کی فرات سے پہلے
بشر جو آج ہے تہذیب و ارتقا کا امیں
فقط درندہ تھا عرفان ذات سے پہلے

کیا گل کھلائے دیکھئے تپتی ہوئی ہوا

کیا گل کھلائے دیکھیے تپتی ہوئی ہوا 

مسموم ہو گئی ہے مہکتی ہوئی ہوا 

یہ چیتھڑوں میں پھول یہ سرگرمِ کار لوگ 

یہ دوپہر کی دھوپ یہ جلتی ہوئی ہوا 

زندہ وہی رہے گا جسے ہو شعورِ زیست 

کہتی ہے روز رنگ بدلتی ہوئی ہوا 

اس کا نہیں ہے غم کوئ جاں سے اگر گزر گئے

اس کا نہیں ہے غم کوئی جاں سے اگر گزر گئے 

دکھ کی اندھیری قبر پر ہم بھی چراغ دھر گئے 

شان و شکوہ کیا ہوئے، قیصر و جَم کدھر گئے 

تخت الٹ الٹ گئے، تاج بکھر بکھر گئے 

فکرِ معاش نے سبھی جذبوں کو سرد کر دیا 

سڑکوں پہ دن گزر گیا ہو کے نڈھال گھر گئے